«پەداگوگ مەرتەبەسٸ» تۋرالى زاڭ جوباسىن دايىنداۋ باستالدى. بۇل تۋرالى بٷگٸن قر پارلامەنتٸ سەناتىنداعى ٷكٸمەت ساعاتىندا بٸلٸم جەنە عىلىم ۆيتسە-مينيسترٸ ەلميرا سۋحانبەرديەۆا ايتتى, دەپ حابارلايدى "ۇلت اقپارات".
«ەلباسى تاپسىرماسىنا سەيكەس «پەداگوگ مەرتەبەسٸ» تۋرالى زاڭ جوباسىن دايىنداۋ باستالدى. جۇمىس توبى قۇرىلدى. بٷگٸنگٸ كٷنٸ زاڭنىڭ تۇجىرىمداما جوباسى ەزٸرلەندٸ. زاڭ جوباسى ەزٸرلەگەننەن كەيٸن مينيسترلٸك ونى بارلىق ٶڭٸردەگٸ پەداگوگتار جەنە اتا-انالار قاۋىمداستىعىمەن تالقىلايدى. مٸندەتتٸ تٷردە دەپۋتاتتاردىڭ الدىندا ونى ايتامىز», - دەدٸ ۆيتسە-مينيستر.
ونىڭ سٶزٸنە قاراعاندا, ەلٸمٸزدە جان باسىنا قارجىلاندىرۋ تەتٸكتەرٸن ەنگٸزۋ جالعاسۋدا. تيٸستٸ نورماتيۆ بەكٸتٸلدٸ. استانا قالاسىندا تولىعىمەن 74 مەكتەپ جەنە 11 جەكە مەنشٸك مەكتەپتە ەنگٸزٸلٸپ جاتىر. بۇل جٷيە ەدٸستەمەسٸندە بٸلٸم بەرۋ قاجەتتٸلٸكتەرٸ بار بالالارعا 2 ەسە جوعارى قارجىلاندىرۋ كوەفيتسەنتٸ قاراستىرىلىپ وتىر.
«مەكتەپتەردٸڭ 58 پايىزىندا ينكليۋزيۆتٸ بٸلٸم بەرۋگە جاعداي جاسالعان. بٸلٸم جەنە عىلىمدى دامىتۋدىڭ مەملەكەتتٸك باعدارلاماسىنا سەيكەس 2020 جىلى ينكليۋزيۆتٸ بٸلٸم بەرۋ 70 پايىزعا ٶسەدٸ. پەداگوگيكالىق ماماندىقتار بويىنشا كادرلاردى دايارلاۋ اياسىندا ينكليۋزيۆتٸ بٸلٸم بەرۋ پەنٸ مٸندەتتٸ بولىپ سانالادى», - دەدٸ ول.
سونىمەن قاتار, ەلميرا سۋحانبەرديەۆا اپاتتى مەكتەپتەر مەن ٷش اۋىسىممەن وقىتۋ پروبلەماسىنا دا توقتالدى.
«بۇل پروبلەمانى شەشۋ ٷشٸن بٸز جىل سايىن 100-دەن استام مەكتەپتٸ سالىپ جاتىرمىز. بيىل 53 ملرد تەڭگەگە 108 مەكتەپ سالىنۋدا. 3 جىلدىق بيۋدجەتتە 97 ملرد تەڭگەگە 73 جاڭا مەكتەپتٸڭ قۇرىلىسى قولداۋ تاپتى. ونىڭ ٸشٸندە 50 ملرد تەڭگەگە 34 مەكتەپ بار. ٷش اۋىسىمدى مەكتەپ مەسەلەسٸن شەشۋ ٷشٸن 33 مەكتەپ تۇرعىزىلۋدا. تاعى 30 مەكتەپ الداعى 3 جىلدا سالىنادى. ونىڭ 19-ى بٶلٸنگەن 50 ملرد تەڭگە اياسىندا قاراستىرىلادى. ولاردى سالۋ رەسپۋبليكالىق بيۋدجەت ەسەبٸندە قولداۋ تاپتى. 41 مەكتەپتٸ جەرگٸلٸكتٸ ورگاندار ٶزدەرٸ سالادى. ال 9 مەكتەپتٸ جەكەمەنشٸك ينۆەستورلاردىڭ كٶمەگٸمەن تۇرعىزامىز», - دەدٸ ول.
