بٸز ەرقاشان بالا تەربيەسٸنە اسا كٶڭٸل بٶلگەن ۇلاعاتتى ۇستازداردىڭ قوعامدا الاتىن ورنى جٶنٸندە, ەلەۋمەتتٸك احۋالىن جاقسارتۋ جايىندا قۋاتتى ويلارعا نيەت قوسامىز. مەكتەپتەردٸڭ سالىنۋى, جاڭا تەحنولوگييالارمەن جابدىقتالۋى, كٶپتەگەن جاس مامانداردىڭ اۋىلدىق جەرلەرگە كەلٸپ قىزمەت اتقارۋى – وسى نيەتٸمٸزدٸڭ ايعاعى ٸسپەتتەس.
وسى ورايدا, مۇعالٸمدەر جالاقىسىنىڭ جىل سايىنعى ٶسٸمٸنە ىنتا قويىلىپ, مەملەكەت تاراپىنان قولداۋعا يە بولعانى قۋانتادى. دەسەك تە, "بٸلٸم بەرۋ سالاسىندا, سانالى ۇرپاق تەربيەلەۋ جولىندا جاساعان ەرەن ەڭبەكتەرٸ لايىقتى باعاسىن الىپ جاتىر ما?" دەگەن ساۋال كٸمدٸ دە بولسىن الاڭداتادى. حالىق قالاۋلىلارىنىڭ جيىنىندا مۇعالٸمدەردٸڭ ەڭبەكاقىسىنىڭ ازدىعى, ەلەۋمەتتٸك جاعدايى جٶنٸندە ايتىلىپ, ٷكٸمەتكە دەپۋتاتتىق ساۋالدار جولداندى. جەتٸسپەۋشٸلٸك نەتيجەسٸنەن ەمدەۋ-ساۋىقتىرۋ ورىندارىنا مۇعالٸمدەر كٶپ بارماعاندىقتان, دەنساۋلىعىنا اسا مەن بەرٸلمەيدٸ. بۇل سالادا تۋىنداعان مەسەلەلەر, كەدەرگٸ مەن كەلەڭسٸزدٸكتەر مۇعالٸمدەر مەرتەبەسٸنٸڭ زاڭمەن بەكٸتٸلمەۋٸنەن دەپ ويلايمىن. مەملەكەتٸمٸز دە مۇعالٸمدەرگە قاتىستى مەسەلەلەردٸڭ شەشٸمٸن تابۋى ٷشٸن ايانىپ جاتقان جوق.
ەلباسىنىڭ باستاماسىن تٸلگە تيەك ەتە كەلە, قوعامنىڭ مۇعالٸم مەرتەبەسٸن شىنايىلىقپەن قابىلداۋى ٷشٸن زاڭ تۇرعىسىندا قولداۋ كەرەك ەكەنٸ ۋاقىت تالابى. سوندا عانا قوعامدا مۇعالٸمنٸڭ مەرتەبەسٸ مەن بەدەلٸنٸڭ ارتۋى تولىققاندى جولعا قويىلاتىنىنا زاڭنىڭ ٶز ىقپالىن تيگٸزەرٸ حاق.
سوعان وراي ەلباسىنىڭ «پەداگوگ مەرتەبەسٸ تۋرالى» زاڭدى بەكٸتۋدٸ ۇسىنۋى – ۇستازداردىڭ قوعامنىڭ قۇرمەتتٸ مٷشەسٸنە اينالۋىنا جول اشتى. وسى مەزەتتە مۇعالٸمنٸڭ ەلەۋمەتتٸك جاعدايىنىڭ جان-جاقتى شەشٸمٸنٸڭ تابىلۋىنا سەرپٸن بەرٸلٸپ, قولداۋ كٷشەيٸپ, مۇعالٸمدەردٸڭ جەتٸسپەۋشٸلٸگٸ دە ازايىپ, بۇل ماماندىققا كەلۋشٸلەردٸڭ قاتارى كٶبەيٸپ, ىقىلاس تانىتقانداردى بۇدان ەرٸ ىنتالاندىرار ەدٸ. «پەداگوگ مەرتەبەسٸ تۋرالى» زاڭ اياسىندا جٷكتەمەلەردٸڭ ازايىپ, جٶنسٸز تەكسەرٸستەر مەن قىزمەتتەن تىس مٸندەتتەردەن اجىراتۋعا نەگٸز بولۋعا تيٸس ەكەنٸ ايتىلدى. بٸلٸم بەرۋ سالاسىنىڭ ەربٸر قازاقستاندىق وتباسىنا قاتىستىلىعىن مەڭزەۋٸ مۇعالٸمدٸك ماماندىقتىڭ ماڭىزىن اشا تٷستٸ.
سونداي-اق, ورتا بٸلٸم بەرۋ جٷيەسٸندە ايقىندالعان نەگٸزگٸ مەسەلەگە نازار اۋدارا كەلٸپ, نازارباەۆ زيياتكەرلٸك مەكتەپتەرٸنٸڭ وقىتۋ جٷيەسٸ, ونىڭ ەدٸستەمەسٸ مەملەكەتتٸك مەكتەپتەر ٷشٸن بٸرىڭعاي ستاندارت بولۋعا, بٸلٸم ساپاسىن باعالاۋ جٷيەسٸ حالىقارالىق ستاندارتتارعا نەگٸزدەلۋگە تيٸس ەكەنٸ ايتىلدى. ورتا مەكتەپتەردە وقۋشىلاردى سۇرانىسقا يە ماماندىقتارعا بەيٸمدەۋدٸڭ, كەسٸبي دياگنوستيكا جٷرگٸزۋدٸڭ ماڭىزدىلىعى ايتىلدى. جاس ۇرپاقتىڭ ٶركەنيەتتٸ ەلٸمٸزگە كٶزقاراسى, جارقىن بولاشاققا دەگەن تالابى مەن تالپىنىسى, تەربيە مەن بٸلٸمٸنٸڭ جەتٸلۋٸ – بٸلٸم ورداسىندا قالىپتاساتىنى بەلگٸلٸ. بۇل ٷشٸن ۇلاعاتتى ۇستازداردىڭ بەرەر بٸلٸمٸ, تەرەڭ تەلٸم-تەربيەسٸ قاجەت-اق.
دانا تٶلەۋتايقىزى,
و. جەۋتٸكوۆ اتىنداعى №1 قازاق ورتا مەكتەبٸ ديرەكتورىنىڭ تەربيە ٸسٸ جٶنٸندەگٸ ورىنباسارى.
