فوتو: Undrey / Shutterstock
ٶسكەمەن قالاسىنداعى №8 ارنايى مەكتەپ-ينتەرناتتا بولعان مۇعالٸم مەن وقۋشىنىڭ اراسىنداعى كيكٸلجٸڭگە بايلانىستى تەكسەرۋ جٷرگٸزٸلدٸ, دەپ حابارلايدى قازاقپارات.
قالا تۇرعىنى №8 ارنايى مەكتەپ-ينتەرناتىندا 9-سىنىپتا وقيتىن قىزىن مۇعالٸمنٸڭ ۇرىپ-سوققانىن ايتىپ, پوليتسيياعا شاعىمداندى. بۇدان بٶلەك, ول دەل سول مەكتەپتە بٸلٸم الاتىن ۇلىنىڭ مەكتەپ اۋماعىندا ۇستازداردىڭ قاراۋىنسىز جٷرگەندە قولىن سىندىرىپ العانىن جەتكٸزگەن.
وسىعان بايلانىستى شىعىس قازاقستان وبلىستىق بٸلٸم باسقارماسى رەسمي تٷسٸنٸكتەمە بەردٸ.
«مۇعالٸمنٸڭ قىزدى سوققانى راستالمادى. سوت-مەديتسينالىق ساراپتاما نەتيجەسٸندە جاسٶسپٸرٸمنەن ەشقانداي جاراقات تابىلمادى. بەينەباقىلاۋ كامەرالارىنىڭ جازباسىنان كٶرٸنگەندەي, مۇعالٸم بالاعا ەسكەرتۋ جاسادى, بٸراق قىز ەش جاۋاپ بەرمەي, ارى قاراي جٷگٸرٸپ كەتكەن. سول كەزدە پەداگوگ ونىڭ سوڭىنا تٷسٸپ, بۇرىمىنان ۇستادى. ال وقۋشى جاۋاپ رەتٸندە مۇعالٸمنٸڭ شاشىنان ۇستاعان», - دەيدٸ باسقارما باسشىسىنىڭ ورىنباسارى دينارا شاۋحينا.
وسى جاعدايدان كەيٸن مۇعالٸمگە قاتاڭ سٶگٸس بەرٸلگەن.
ەكٸنشٸ وقيعاعا قاتىستى دا تەكسەرۋ جٷرگٸزٸلدٸ. بەلگٸلٸ بولعانداي, وقۋشى دوپپەن ويناپ جٷرگەن كەزدە قۇلاپ, جاراقات العان.
«مەكتەپكە بٸردەن جەدەل جەردەم قىزمەتكەرلەرٸ شاقىرتىلدى. ولار بالانى قالاداعى انا مەن بالا ورتالىعىنا جەتكٸزگەن. ەشكٸمنٸڭ كٸنەسٸ جوق ەكەنٸن بالانىڭ ٶزٸ دە راستادى», - دەيدٸ شاۋحينا.
