7 سەۋٸر – دٷنيەجٷزٸلٸك دەنساۋلىق كٷنٸ. بۇل كٷندٸ اتاپ ٶتۋدەگٸ ماقسات – جۇرتشىلىق نازارىن دەنساۋلىق سالاسىنداعى كٶكەيتەستٸ مەسەلەلەرگە اۋدارۋ. ددسۇ بيىل مەديتسينالىق كٶمەكتٸڭ نەگٸزگٸ تٷرلەرٸنٸڭ قولجەتٸمدٸلٸگٸنە تاعى بٸر رەت توقتالۋدى كٶزدەپ وتىر. سەبەبٸ, ۇلت ساۋلىعىن ساقتاۋعا قاراپايىم تەكسەرۋلەردٸڭ ٶزٸ جەتكٸلٸكتٸ.
رەسمي ستاتيستيكاعا سٷيەنسەك, 2018 جىلى قازاقستاندا نەگٸزگٸ دەگەن اۋرۋلاردان 19,3 مىڭ ادام كٶز جۇمعان. ونىڭ 7,5 مىڭعا جۋىعى – ەڭبەككە قابٸلەتتٸ جاستاعىلار. حالقىنىڭ سانى 18 ميلليوننان اسپايتىن ەلٸمٸز جىل سايىن «تەپسە تەمٸر ٷزەتٸن» 7,5 مىڭ تۇرعىنىنان ايىرىلىپ وتىرادى. ماماندار پٸكٸرٸنشە, بۇعان ٶلٸم-جٸتٸمنٸڭ باستى سەبەپكەرٸ دەلٸنەتٸن نەگٸزگٸ 5 اۋرۋدىڭ ىقپالى مول. مىسالى, ٶتكەن جىلى:
- جٷرەك-قان تامىرى اۋرۋلارىنان – 9,7 مىڭ ادام;
- اس قورىتۋ جٷيەسٸ اۋرۋلارىنان – 2,8 مىڭ ادام;
- تٷرلٸ وقىس وقيعالار, ۋلانۋ مەن جاراقات سالدارىنان – 2,7 مىڭ ادام;
- ونكولوگييالىق سىرقاتتاردان – 2 مىڭ ادام;
- تىنىس جولدارى اۋرۋلارىنان – 1,9 مىڭ ادام كٶز جۇمعان.
قايتىس بولعان ناۋقاستاردىڭ باسىم بٶلٸگٸنٸڭ ٶلٸمٸنە دەرٸگەرگە ٶتە كەش قارالۋى سەبەپ. ياعني, دەر كەزٸندە انىقتالعان جاعدايدا ولاردىڭ ٶمٸرٸن ساقتاپ قالۋعا بولار ەدٸ, دەيدٸ ماماندار. سوندىقتان مەديتسينالىق ساقتاندىرۋ قورى الداعى ۋاقىتتا اۋرۋدىڭ الدىن الۋ مەسەلەسٸنە باسىمدىق بەرۋدٸ جوسپارلاپ وتىر.
ستاتيستيكاعا سٷيەنسەك, جىل سايىن 2,9 ميلليونعا جۋىق ادام اۋرۋحاناعا جاتىپ ەمدەلەدٸ. ونىڭ 70 پايىزعا جۋىعى نەمەسە 1,9 ميلليونى – دەرت مەڭدەپ, اۋرۋحاناعا شۇعىل تٷردە جەتكٸزٸلگەندەر. بىلايشا ايتقاندا, قازاقستاندا ەربٸر ونىنشى ادام دەرٸگەرلەر الدىنا ٶمٸرٸنە قاۋٸپ تٶنگەن كەزدە عانا كەلەدٸ دەگەن سٶز. مۇنداي جاعدايدا ناۋقاستىڭ تەگٸن نەگٸزگٸ كٶمەكتەن بٶلەك, باعاسى قىمبات پروتسەدۋرالاردىڭ اقىسىن قالتاسىنان تٶلەۋگە مەجبٷر بولاتىنى جاسىرىن ەمەس. ەلبەتتە, مەملەكەتتٸك تاپسىرىس شەڭبەرٸندە تەگٸن كٶرسەتٸلەتٸن, شىعىنى از دياگنوستيكالىق پروتسەدۋرالاردىڭ كٶمەگٸمەن مۇنىڭ الدىن الۋعا بولادى, دەيدٸ ماماندار. مەسەلەن, 2019 جىلى دەنساۋلىق ساقتاۋ سالاسىن قارجىلاندىرۋعا رەسپۋبليكالىق بيۋدجەتتەن 972,7 ملرد تەڭگە بٶلٸندٸ. ونىڭ 400 ميللياردقا جۋىعى ەمحانالىق-امبۋلاتورلىق كٶمەككە جۇمسالىپ, پروفيلاكتيكالىق ٸس-شارالارعا باسىمدىق بەرٸلمەك.
ەستەرٸڭٸزگە سالا كەتسەك, بيىلعى جىلى مەملەكەتتٸك تاپسىرىستى ورىندايتىن 1408 مەديتسينا ۇيىمىنىڭ 700-دەن استامى – جەكە مەنشٸك. 2018 جىلمەن سالىستىرعاندا بۇل كٶرسەتكٸش 37-گە ارتىپ وتىر.
مەملەكەتتٸك تاپسىرىستى ورىنداۋعا قۇلشىنىس بٸلدٸرگەن جەكە مەنشٸك كلينيكالار سانى جاعىنان شىمكەنت, نۇر-سۇلتان, الماتى قالالارى مەن قىزىلوردا جەنە جامبىل وبلىستارى كٶش باستاپ تۇر.
مەديتسينالىق ساقتاندىرۋ قورى
