Moody's قازاقستاننىڭ رەيتينگٸن Baa3-تەن Baa2-گە دەيٸن كٶتەردٸ, بولجام «تۇراقتى». رەيتينگتٸڭ كٶتەرٸلۋٸ قازاقستاننىڭ مەملەكەتتٸك قارجىسى مەن كرەديتتٸك بەيٸنٸنٸڭ Baa2 رەيتينگٸنٸڭ دەڭگەيٸ ەلدەرٸنە سەيكەس كەلەتٸن ورنىقتىلىقتى كٶرسەتۋٸمەن بايلانىستى.
ەل اكتيۆتەرٸن پايدالانۋ كٶلەمٸ مەن تيٸمدٸلٸگٸ, مەملەكەتتٸك بورىشتىڭ تٶمەن دەڭگەيٸ, سونداي-اق ٷكٸمەتتٸڭ ماكروەكونوميكالىق تۇراقتىلىقتى قامتاماسىز ەتۋ جٶنٸندەگٸ شارالارىنىڭ تيٸمدٸلٸگٸ رەيتينگتٸ ارتتىرۋعا مٷمكٸندٸك بەرگەن فاكتورلارعا اينالدى, دەپ حابارلايدى "ۇلت اقپارات" ٷكٸمەتتٸڭ رەسمي سايتىنا سٸلتەمە جاساپ.
Moody's كونترتسيكلدىق بيۋدجەت ساياساتىن جٷرگٸزۋ تيٸمدٸلٸگٸن وڭ باعالادى, ول 2020 جىلى قازاقستاننىڭ ناقتى جٸٶ-نٸڭ قىسقارۋىن شەكتەۋگە مٷمكٸندٸك بەرگەن ەدٸ. اگەنتتٸك قازاقستان ەكونوميكاسى 2021 جىلى 3,5-4%-عا جەنە 2022 جىلى 4-4,5%-عا ٶسەدٸ دەپ كٷتۋدە. Moody's باعالاۋى بويىنشا قازاقستانداعى جالعاسىپ جاتقان ينستيتۋتسيونالدىق جەنە ەكونوميكالىق رەفورمالار ەلدٸڭ مەملەكەتتٸك باسقارۋ جٷيەسٸن نىعايتىپ, ينۆەستيتسييالىق تارتىمدىلىعىن ارتتىرا الادى.
«قازاقستان رەيتينگٸ جوعارىلاعان ەلەمدەگٸ بەس ەلدٸڭ بٸرٸنە (قامتىلعان 144 ەلدٸڭ ٸشٸندە) اينالدى. بيىلعى جىلدىڭ باسىنان بەرٸ Moody's-تٸڭ رەيتينگتٸك ەرەكەتتەرٸنٸڭ 15%-دان كەمٸ رەيتينگتٸ كٶتەرۋمەن نەمەسە وڭ بولجام جاساۋمەن بايلانىستى بولدى»,-دەلٸنگەن حابارلامادا.
