9 ماۋسىم كٷنٸ موڭعولييادا ەل پرەزيدەنتٸن سايلاۋ باستالدى. بۇل تۋرالى ەلدٸڭ مونتسامە اقپارات اگەنتتٸگٸ حابارلادى.
سايلاۋ ۋچاسكەلەرٸ جەرگٸلٸكتٸ ۋاقىت بويىنشا تاڭعى ساعات 7:00-دە اشىلىپ, 22:00-گە دەيٸن جۇمىس ٸستەيتٸن بولادى.
بيىلعى جىلدان باستاپ موڭعولييا پرەزيدەنتٸ 6 جىلدىق مەرزٸمگە سايلانادى. پرەزيدەنت قىزمەتٸنە وسى جولى ۇسىنىلعان كانديداتتار اراسىندا موڭعول حالىق پارتيياسىنىڭ اتىنان – ل.حۋرەلسۋحا, دەموكراتييالىق پارتييادان – س.ەردەنە جەنە «جٶنٸ دۇرىس ادام, ەلەكتورات» كواليتسيياسىنان د.ەنحباتا بار.
سايلاۋشىلار تٸزٸمٸندە 2 040 784 ادام تٸركەلگەن. بۇل كٷنٸ بٷكٸل ەل بويىنشا 2087 سايلاۋ ۋچاسكەسٸ جۇمىس ٸستەپ وتىر, ال بيۋللەتەندەر قولدان سانالادى.
كەشە, 8 ماۋسىم كٷنٸ داۋىس بەرۋگە ارنالعان كٶشپەلٸ سايلاۋ جەشٸكتەرٸنٸڭ كٶمەگٸمەن ەلدٸڭ 25 619 ازاماتى داۋىس بەرگەن. سونداي-اق, قىزىل ايماقتا جۇمىس ٸستەپ جٷرگەن مەملەكەتتٸك قىزمەتشٸلەر, اباقتىدا وتىرعان 7 051 ازامات جەنە ينفەكتسييا جۇقتىرماعان, بٸراق سايلاۋ ۋچاسكەلەرٸنە كەلە المايتىن شامامەن 18 مىڭ ادام داۋىس بەردٸ. بۇدان باسقا, موڭعولييانىڭ 30 ەلدەگٸ 44 ديپلوماتييالىق ٶكٸلدٸگٸندە سايلاۋ ۋچاسكەلەرٸ قۇرىلىپ, 30-31 مامىر كٷندەرٸ مەرزٸمٸنەن بۇرىن داۋىس بەرۋ ٶتتٸ. شەتەلدە تٸركەلگەن 7 394 ازاماتتىڭ 76 پايىزى (5 618 ادام) ٶز تاڭداۋىن جاسادى.
پرەزيدەنتتٸك سايلاۋدى شەتەلدٸك جەنە حالىقارالىق ۇيىمداردىڭ 43 ۇيىمى باقىلاپ, 40 تٸلشٸ اقپارات تاراتادى.
