موڭعولييا پرەزيدەنتٸ حالتمااگيين باتتۋلگا 2020 جىلعى پارلامەنت سايلاۋىنىڭ قارساڭىندا جومارتتىق تانىتىپ, ەلدەگٸ بارلىق زەينەتكەردٸڭ كرەديتٸن كەشٸردٸ, – دەپ حابارلايدى Sputnik قازاقستان.
پرەزيدەنت مەرەكەلٸك بەينەٷندەۋٸندە زەينەت جاسىنداعى ازاماتتاردىڭ كرەديت بويىنشا قارىزى كەشٸرٸلەتٸنٸن جارييالادى, دەپ حابارلايدى روسبالت.
جالپى العاندا 200 مىڭداي بورىشكەردٸڭ كرەديتٸ جابىلماق. ولاردىڭ دەنٸ ەجەپتەۋٸر ٸرٸ سوما تٶلەپ جٷرگەن.
«موڭعولييانىڭ ۇلتتىق قاۋٸپسٸزدٸك كەڭەسٸ قارىزدان قۇتىلۋعا كٶمەكتەسۋ ماقساتىندا بارلىق زەينەتكەردٸڭ كرەديتٸن ٶتەپ بەرۋ تۋرالى شەشٸم قابىلداعانىن قۋانا حابارلايمىن» دەدٸ باتتۋلگا.
بۇل رەتتە باسىلىم مۇنداي شەشٸمدەردٸ ۇلتتىق قاۋٸپسٸزدٸك كەڭەسٸ ەمەس, پارلامەنت قابىلدايتىنىن اتاپ ٶتكەن.
