فوتو: اقوردا
اقوردادا موڭعولييا پرەزيدەنتٸ ۋحنااگيين حۋرەلسۋحتى سالتاناتتى قارسى الۋ رەسٸمٸ ٶتتٸ, دەپ حابارلايدى Ult.kz.
مەملەكەتتەر باسشىلارى بٸر-بٸرٸنە دەلەگاتسييا مٷشەلەرٸن تانىستىرعان سوڭ قۇرمەت قاراۋىلىنىڭ باستىعى راپورت بەرٸپ, ەكٸ ەلدٸڭ ەنۇراندارى ورىندالدى.
وسىدان كەيٸن قازاقستان مەن موڭعولييا پرەزيدەنتتەرٸ شاعىن قۇرامدا كەلٸسسٶز جٷرگٸزدٸ.
قاسىم-جومارت توقاەۆ موڭعولييامەن تاريحى ورتاق, تامىرى بٸر باۋىرلاس ەلدەر ەكەنٸمٸزدٸ, كٶشپەندٸ حالىقتاردىڭ ۇرپاعى ەكەنٸمٸزدٸ ايتتى.
"قازاق پەن موڭعول – عاسىرلار بويى ٸرگەسٸ بٶلٸنبەگەن كٶرشٸلەر. حالىقتارىمىزدىڭ ٶمٸر سالتى, ەدەت-عۇرپى ٶتە ۇقساس. قازٸر دە وسى مەڭگٸ قۇندىلىقتاردى ارقاۋ ەتٸپ كەلەمٸز. بٷگٸندە ىقپالداستىعىمىز ستراتەگييالىق سەرٸكتەستٸك رۋحىندا دامۋدا. مەملەكەتارالىق, پارلامەنتارالىق جەنە ٷكٸمەتارالىق بايلانىستارىمىز نىعايۋدا. قۇرمەتتٸ پرەزيدەنت مىرزا, سٸز ەكٸجاقتى قارىم-قاتىناسىمىزدى جاڭا دەڭگەيگە كٶتەرۋگە زور ٷلەس قوسىپ كەلەسٸز. مۇنى جوعارى باعالايمىز. قاجىرلى ەڭبەگٸڭٸزدٸڭ ارقاسىندا موڭعولييادا كٶپتەگەن وڭ ٶزگەرٸس بولىپ جاتىر. بىلتىر ەلٸڭٸزدٸڭ ەكونوميكاسى 6,8 پايىزعا ٶستٸ. بۇل سٸزدٸڭ ساليقالى باسشىلىعىڭىزدىڭ جەمٸسٸ ەكەنٸ سٶزسٸز. سٸز حالقىڭىزدىڭ ەل-اۋقاتىن جاقسارتۋ ٷشٸن ماڭىزدى باستامالاردى جٷزەگە اسىردىڭىز. موڭعولييادا مەملەكەتتٸ دامىتۋعا ارنالعان «Vision-2050» كەشەندٸ جوسپارى قولعا الىنعانىن بٸلەمٸز. سونداي-اق قاراقورىم اتتى جاڭا قالا سالۋدى باستاپ كەتتٸڭٸزدەر. بٸرەگەي جوبالاردىڭ تابىستى بولۋىنا تٸلەكتەسپٸز. سارابدال ساياساتىڭىزدىڭ ارقاسىندا موڭعولييانىڭ حالىقارالىق بەدەلٸ ارتا تٷستٸ. بٸز باۋىرلاس ەلدٸڭ بارلىق جەتٸستٸگٸنە قۋانامىز", – دەدٸ مەملەكەت باسشىسى.
موڭعولييا پرەزيدەنتٸ ۋحنااگيين حۋرەلسۋح اراعا جيىرما جىل سالىپ قازاقستانعا مەملەكەتتٸك ساپارمەن كەلگەنٸنە قۋانىشىن جاسىرمادى.
"سٸزدٸڭ وسىدان ەكٸ جىل بۇرىن بٸزدٸڭ ەلٸمٸزگە جاساعان مەملەكەتتٸك ساپارىڭىز موڭعول-قازاق قارىم-قاتىناستارىن ستراتەگييالىق سەرٸكتەستٸكتٸڭ جاڭا دەڭگەيٸنە كٶتەردٸ. بۇل ۋاقيعا ەكٸجاقتى بايلانىستار تاريحىنا التىن ەرٸپپەن جازىلاتىنى سٶزسٸز. قۇرمەتتٸ پرەزيدەنت مىرزا, سٸزدٸڭ كٶرەگەن, پاراساتتى جەنە جوعارى كەسٸبي باسشىلىعىڭىزدىڭ ارقاسىندا قازاقستان ەكونوميكالىق جەنە ەلەۋمەتتٸك سالالاردى دامىتۋدا ايتارلىقتاي تابىسقا جەتتٸ. موڭعول حالقى ەلٸڭٸزدٸڭ جەتٸستٸكتەرٸن جٸتٸ باقىلاپ وتىر. 2024 جىلعى موڭعوليياعا ساپارىڭىز بارىسىندا وننان استام قۇجاتقا قول قويىلدى. بٷگٸن دە بٸرقاتار ماڭىزدى قۇجاتتار قابىلدانادى", – دەدٸ موڭعولييا پرەزيدەنتٸ.
