مولدوۆانىڭ بۇرىنعى پرەمەر-مينيسترٸ, "ەرەكەت جەنە ىنتىماق" وپپوزيتسييالىق پارتيياسىنىڭ تٶرايىمى ماييا ساندۋ جەكسەنبٸ كٷنٸ ٶتكەن پرەزيدەنت سايلاۋىنىڭ ەكٸنشٸ تۋرىندا جەڭٸسكە جەتتٸ. دٷيسەنبٸ كٷنٸ مولدوۆا ورتالىق سايلاۋ كوميسسيياسى تاراتقان مەلٸمەت وسىنى كٶرسەتٸپ وتىر. وسىلايشا مولدوۆانى العاش رەت ەيەل-پرەزيدەنت باسقارايىن دەپ وتىر. مۇندا پرەزيدەنتتٸك مەرزٸمٸ - 4 جىل.
سايلاۋ ۋچاسكەلەرٸنٸڭ 99 پايىزىندا حاتتامالار ەسەپتەلگەننەن كەيٸن ساندۋعا سايلاۋشىلاردىڭ - 57,7 پايىزى, قارسىلاسى, قازٸرگٸ پرەزيدەنت يگور دودونعا 42,3 پايىزى داۋىس بەرگەنٸ انىقتالعان.
تٷپكٸلٸكتٸ قورىتىندى اقش پەن كانادادا داۋىس ساناۋ تولىق اياقتالعاننان كەيٸن سەل كەيٸنٸرەك جارييالانادى. شەتەلدە تۇراتىنداردىڭ باسىم بٶلٸگٸ ساندۋدى قولداۋعا بەيٸم.
سايلاۋدىڭ بٸرٸنشٸ تۋرىنداعىداي, ساندۋعا ەلدەگٸ ٸرٸ قالا تۇرعىندارى (بەلتستەن باسقاسى), جاستار, ەۋروپاداعى دياسپورا ٶكٸلدەرٸ داۋىس بەرگەن. دودوندى بەلتس تۇرعىندارى, اۋىلدىق جەرلەردە تۇراتىن سايلاۋشىلار قولداعان. گاگاۋزييادا تۇرعىنداردىڭ 95 پايىزى دودونعا داۋىس بەرگەن.
وسك-نىڭ الدىن الا مەلٸمەتٸ جارييالانعاننان كەيٸن ماييا ساندۋ سايلاۋشىلارعا العىس ايتتى. ول سايلاۋ كەزٸندە بٶلٸنٸپ-جارىلعان قوعامدى بٸرٸكتٸرٸپ, ەكونوميكالىق مەسەلەلەردٸ شەشۋگە ۋەدە بەردٸ. بۇعان قوسا, پارلامەنتتٸ تاراتىپ, كەزەكتەن تىس پارلامەنت سايلاۋىن ٶتكٸزەتٸنٸن دە جەتكٸزدٸ.
قازٸرگٸ پرەزيدەنت يگور دودون ەزٸرگە جەڭٸلگەنٸن مويىنداعان جوق.
وسىعان دەيٸن مولدوۆانىڭ قوعامدىق ساياسات ينستيتۋتى جٷرگٸزگەن ەكزيتپول قورىتىندىسى ساندۋدىڭ - 54,7 پايىز, دودوننىڭ 45,3 پايىز داۋىس جينايتىنىن كٶرسەتكەن ەدٸ.
"ينتەللەكت گرۋپ" اگەنتتٸگٸ جٷرگٸزگەن ساۋالناما قورىتىندىسى دا سوعان ۇقساس نەتيجە شىعارعان.
15 قاراشا كٷنگٸ سايلاۋعا سايلاۋشىلاردىڭ 50 پايىزدان استامى قاتىسقان. بٸرٸنشٸ تۋردا شامامەن 43 پايىزى عانا قاتىسقان ەدٸ.
سوڭعى اقپارات بويىنشا, مولدوۆانىڭ ٶزٸندە - 1 ملن 300 مىڭ ادام, شەتەلدە شامامەن 250 مىڭ ادام داۋىس بەرگەن.
ماييا ساندۋ - ەۋروپاشىل "ەرەكەت جەنە ىنتىماق" (PAS) پارتيياسىنىڭ كانديداتى. بٸرٸنشٸ تۋردا ول - 36 پايىز, دودون 32 پايىز داۋىس جيناعان. سوتسياليستەر پارتيياسى اتىنان قاتىسقان دودون رەسەيشٸل كانديدات بولىپ ەسەپتەلەدٸ. ساندۋ ەۋروپامەن تىعىز بايلانىس ورناتۋدى قولداعانمەن مەسكەۋمەن دە ارا قاتىناستى بۇزعىسى كەلمەيتٸنٸن ايتادى. ونىڭ پٸكٸرٸنشە, مولدوۆانىڭ دامۋىن تەجەپ وتىرعان نەرسە - جەمقورلىق.
2016 جىلى پرەزيدەنت سايلاۋىنا قاتىسقان ساندۋ دودوننان جەڭٸلٸپ قالعان. 2019 جىلى پرەمەر-مينيستر قىزمەتٸن اتقارعان ساندۋ كٷتپەگەن جەردەن وليگارح ۆلاد پلاحوتنيۋكپەن اليانس قۇرىپ, اقىرى وليگارح ەلدەن كەتۋگە مەجبٷر بولعان. ال قىزمەتٸنەن بوساتىلعان ساندۋ وپپوزيتسييا جەتەكشٸسٸنە اينالعان.
