جەكسەنبٸ كٷنٸ مولدوۆادا ٶتكەن پرەزيدەنت سايلاۋىنىڭ ەكٸنشٸ تۋرىندا وپپوزيتسييا كانديداتى ماييا ساندۋ قارسىلاسى قازٸرگٸ پرەزيدەنت يگور دودوننان كٶبٸرەك داۋىس جينادى. سايلاۋ ۋچاسكەلەرٸنٸڭ 90 پايىزىنان استامىندا داۋىس سانى ەسەپتەلگەننەن كەيٸن سايلاۋشىلاردىڭ 51 پايىزى - ماييا ساندۋعا, 49 پايىزى قازٸرگٸ پرەزيدەنت يگور دودونعا داۋىس بەرگەنٸ انىقتالدى. مولدوۆا اۋماعىنان تىس جەردە داۋىس بەرگەندەردٸڭ بيۋللەتەندەرٸ ەلٸ تولىق قارالىپ بٸتپەگەن. سايلاۋدىڭ بٸرٸنشٸ كەزەڭٸندە ولار ساندۋدى قولداعان.
وسىعان دەيٸن مولدوۆانىڭ قوعامدىق ساياسات ينستيتۋتى جٷرگٸزگەن ەكزيتپول قورىتىندىسى ساندۋدىڭ - 54,7 پايىز, دودوننىڭ 45,3 پايىز داۋىس جينايتىنىن كٶرسەتكەن ەدٸ.
"ينتەللەكت گرۋپ" اگەنتتٸگٸ جٷرگٸزگەن ساۋالناما قورىتىندىسى دا سوعان ۇقساس نەتيجە شىعارعان.
سايلاۋ ۋچاسكەلەرٸ جابىلعاننان كەيٸن يگور دودون مولدوۆا اۋماعىندا قارسىلاسىنان ايتارلىقتاي دەرەجەدە وزعانىن مەلٸمدەدٸ. ول ازاماتتاردى تىنىشتىققا شاقىرىپ, تەرتٸپسٸزدٸككە جول بەرۋگە بولمايتىنىن ايتتى.
15 قاراشا كٷنگٸ سايلاۋعا سايلاۋشىلاردىڭ 50 پايىزدان استامى قاتىسقان. بٸرٸنشٸ تۋردا شامامەن 43 پايىزى عانا قاتىسقان ەدٸ.
سوڭعى اقپارات بويىنشا, مولدوۆانىڭ ٶزٸندە - 1 ملن 300 مىڭ ادام, شەتەلدە شامامەن 250 مىڭ ادام داۋىس بەرگەن. ساراپشىلار شەتەلدە تۇراتىنداردىڭ ساندۋدى قولداۋعا بەيٸم ەكەنٸن ايتادى.
ماييا ساندۋ - ەۋروپاشىل "ەرەكەت جەنە ىنتىماق" (PAS) پارتيياسىنىڭ كانديداتى. بٸرٸنشٸ تۋردا ول - 36 پايىز, دودون 32 پايىز داۋىس جيناعان. سوتسياليستەر پارتيياسى اتىنان قاتىسقان دودون رەسەيشٸل كانديدات بولىپ ەسەپتەلەدٸ. ساندۋ ەۋروپامەن تىعىز بايلانىس ورناتۋدى قولداعانمەن مەسكەۋمەن دە ارا قاتىناستى بۇزعىسى كەلمەيتٸنٸن ايتادى. ونىڭ پٸكٸرٸنشە, مولدوۆانىڭ باستى مەسەلەسٸ - جەمقورلىق.
2016 جىلى پرەزيدەنت سايلاۋىنا قاتىسقان ساندۋ دودوننان جەڭٸلٸپ قالعان. 2019 جىلى پرەمەر-مينيستر قىزمەتٸن اتقارعان ساندۋ كٷتپەگەن جەردەن وليگارح ۆلاد پلاحوتنيۋكپەن اليانس قۇرىپ, اقىرى وليگارح ەلدەن كەتۋگە مەجبٷر بولعان. ال قىزمەتٸنەن بوساتىلعان ساندۋ وپپوزيتسييا جەتەكشٸسٸنە اينالعان.
