مولدوۆا پارلامەنتٸ ورىس تٸلٸنٸڭ قولدانۋ اياسىن كەڭەيتٸپ, رەسمي مەرتەبە بەرۋدٸ قاراستىراتىن زاڭ جوباسىن بٸرٸنشٸ وقىلىمدا ماقۇلدادى. بۇعان قوسا, رەسەي ارنالارىن ترانسلياتسييا جاساۋعا مٷمكٸندٸك بەرەتٸن تٷزەتۋلەردٸ قابىلدادى.
ورىس تٸلٸنە رەسمي مەرتەبە بەرٸلسە, مەملەكەتتٸك قىزمەتكەرلەر تۇرعىندار ساۋالىنا ورىس تٸلٸندە جاۋاپ بەرٸپ, اقپارات بەرەدٸ. بەيسەنبٸ كٷنٸ قابىلدانعان تٷزەتۋلەر سونىمەن بٸرگە دەرٸ-دەرمەك نۇسقاۋلىقتارىن ورىس تٸلٸنە اۋدارۋدى مٸندەتتەيدٸ.
زاڭ جوباسى سوتسياليستەر پارتيياسى اتىنان سايلانعان قازٸرگٸ پرەزيدەنت يگور دودون باستاماسىمەن ەزٸرلەنگەن. 101 دەپۋتاتتىڭ 51-ٸ وعان قولداپ داۋىس بەرگەن. جوباعا پارلامەنتتەگٸ وپپوزيتسييا مەن جاڭادان سايلانعان پرەزيدەنت ماييا ساندۋ قارسى شىققان.
قاراشا ايىندا مولدوۆادا پرەزيدەنت سايلاۋى ٶتٸپ, ساندۋ جەڭٸسكە جەتكەن ەدٸ. سايلاۋدىڭ ەكٸنشٸ كەزەڭٸنٸڭ نەتيجەسٸ بويىنشا, ساندۋعا سايلاۋشىلاردىڭ 57,7 پايىزى داۋىس بەرگەن. ال دودون 42 پايىز داۋىس العان. ونىڭ ٶكٸلەتٸ 23 جەلتوقساندا اياقتالادى.
بەيسەنبٸ كٷنٸ مولدوۆا دەپۋتاتتارى سونىمەن بٸرگە ارنايى قىزمەتتٸ باقىلاۋدى پارلامەنتكە جٷكتەيتٸن زاڭ جوباسىن ەكٸنشٸ وقىلىمدا ماقۇلدادى. ساندۋ جاقتاستارى شەشٸممەن كەلٸسپەيدٸ جەنە ونى "بيلٸكتٸ باسىپ الۋ تالپىنىسى" دەپ اتادى. زاڭ جوباسىنا قارسىلار وسىعان دەيٸن كيشينەۆ ورتالىعىنداعى كٶشەلەردٸ جاۋىپ, نارازىلىق بٸلدٸرگەن.
جاقتاستارىن جەكسەنبٸ كٷنٸ نارازىلىققا شىعۋعا شاقىرعان ساندۋ "حالىققا قارسى شىققان پارلامەنت قۇلاتىلۋى تيٸس" دەدٸ.
