قىتاي وقۋلىقتارىندا قازاقستاننىڭ بٸر بٶلٸگٸنٸڭ قىتاي جەرٸ دەپ كٶرسەتٸلۋٸنە قاتىستى قانداي دا بٸر مەلٸمەت پايدا بولسا, بۇل مەسەلە ٷكٸمەتارالىق كەزدەسۋلەردە مٸندەتتٸ تٷردە كٶتەرٸلەدٸ. قازاقستان ٷكٸمەتٸ بۇعان توسقاۋىل قويادى. بۇل تۋرالى قازاقستاننىڭ سىرتقى ٸستەر مينيسترٸ قايرات ەبدٸراحمانوۆ مەلٸم ەتتٸ, دەپ حابارلايدى Sputnik قازاقستان تٸلشٸسٸ.
بۇعان دەيٸن قىتاي سايتتارىندا مەكتەپ وقۋشىلارىنا قازاقستاننىڭ جەتٸسۋ, الماتى ٶڭٸرٸ قىتاي جەرٸ دەپ وقىتىلاتىنى تۋرالى اقپارات تاراعان بولاتىن. بۇل مەسەلە قوعامدا بٸراز داۋ تۋدىرعان ەدٸ. وسى جاعداي ەندٸ تاعى قايتالانىپ جاتقانعا ۇقسايدى. جۋرناليستەر سىرتقى ٸستەر مينيسترٸ قايرات ەبدٸراحمانوۆتان وسى مەسەلەگە قاتىستى "قىتاي ٷكٸمەتٸنە رەسمي ساۋال جولداندى ما" دەپ سۇرادى.
"وقۋلىق, كارتاعا بايلانىستى قانداي دا بولسىن مەلٸمەت تٷسسە, بٸز ونى ەشقاشان نازاردان تىس قالدىرمايمىز, ناقتى توسقاۋىل قويامىز. مۇنداي مەسەلەلەرگە ٶز اعىمىمەن جٷرۋگە مٷمكٸندٸك بەرمەيمٸز. ٶزدەرٸڭٸزگە مەلٸم, بٸز قىتاي تاراپىمەن ٶتە تىعىز بايلانىستامىز, ەكٸجاقتى كونسۋلتاتسييالار جٷرگٸزٸپ جاتىرمىز. ونىڭ ٸشٸندە جەلتوقساندا بەيجٸڭدە ٶتكەن قاۋٸپسٸزدٸك مەسەلەلەرٸ تۋرالى كەلٸسسٶزدەردٸ ايتۋعا بولادى. جۋىردا ٷكٸمەتارالىق كوميسسييا اياسىندا بٸرسىپىرا كەلٸسسٶز ٶتكٸزەمٸز. وسىنداي ٷكٸمەتارالىق كەزدەسۋلەر اراسىندا مۇنداي مەلٸمەت پايدا بولسا, ٷكٸمەت اتىنان كٶتەرەمٸز. وعان ەشقانداي كٷمەن بولماۋى كەرەك", — دەدٸ مينيستر.
سونداي-اق ەبدٸراحمانوۆ قىتايدا ۇستالعان قازاقستان ازاماتتارىنا قاتىستى دا تٷسٸنٸكتەمە بەردٸ. ايتۋىنشا, مينيسترلٸك بۇل مەسەلەنٸ باقىلاۋىندا ۇستاپ وتىر.
"ۇستالعان ازاماتتاردىڭ تۋىستارى بٸزگە قاجەتتٸ مەلٸمەتتەردٸ بەردٸ. ول دەرەكتەر راستالعان سوڭ, قىتاي تاراپىنا رەسمي تٷردە ديپلوماتييالىق نوتا جٸبەردٸك. سونىمەن قاتار, بەيجٸڭدەگٸ ەلشٸلٸگٸمٸز, ٷرٸمشٸدەگٸ پاسپورتتىق-ۆيزالىق قىزمەتتٸڭ ٶكٸلدەرٸ قىتاي تاراپىمەن تىعىز جۇمىس ٸستەپ جاتىر. تولىق مەلٸمەت العان سوڭ, بٸز ونى مٸندەتتٸ تٷردە بٸزگە ٶتٸنٸش بٸلدٸرگەن قازاقستان ازاماتتارىنىڭ تۋىستارىنا جەتكٸزەمٸز", — دەدٸ ۆەدومستۆو باسشىسى.
