قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆ م. ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستان فيليالىنا قانداي عيمارات بەرٸلەتٸنٸن ايتتى, دەپ حابارلايدى قازاقپارات.
«بيىل ەلٸمٸز ٷشٸن ەرەكشە جىل. ٶيتكەنٸ ۇلتىمىز ٷشٸن ۇلى, حالقىمىز ٷشٸن قادٸرلٸ, مەملەكەتٸمٸز ٷشٸن ەڭ مەرتەبەلٸ قۇندىلىق – تەۋەلسٸزدٸكتٸڭ 30 جىلدىعى! سٸزدەردٸ ۇلىسىمىزدىڭ ۇلى مەرەكەسٸمەن شىن جٷرەكتەن قۇتتىقتايمىن! تەۋەلسٸزدٸكتٸ الۋ بار دا, ونى تۇعىرلى ەتۋ بار. وسىناۋ 30 جىل ٸشٸندە قازاقستان عاسىرعا پاراپار جولدان ٶتتٸ. تۇڭعىش پرەزيدەنت – ەلباسى نۇرسۇلتان نازارباەۆتىڭ كٶشباسشىلىعىمەن ەلٸمٸز ەلەۋمەتتٸك-ەكونوميكالىق تۇرعىدان تۇراقتى دامۋ جولىنا تٷستٸ, قوعامدىق-ساياسي احۋال قالىپتاستى. شەكارامىز شەگەندەلٸپ, جاڭا ەلوردامىز بوي كٶتەردٸ. حالقىمىزدىڭ سانى ارتتى, ىرىس-بەرەكەسٸ مولايدى. ەلباسى باستاعان جولدى مەملەكەت باسشىسى قاسىم-جومارت كەمەلۇلى توقاەۆ لايىقتى جالعاستىرىپ, حالقىمىز ٶركەنيەتتٸڭ ٶرٸنە كٶز تٸگٸپ وتىر», - دەدٸ مەملەكەتتٸك حاتشى ممۋ قازاقستان فيليالىندا ٶتكەن مەرەيتوي كەشٸندە.
ٶز سٶزٸندە مەملەكەتتٸك حاتشى ەگەمەندٸكتٸڭ بٸر تۇعىرى – دوستىق ەكەنٸن, ٶتكەن تاريحتا قازاقتىڭ تالاي اسىل ارىستارى رەسەيدە بٸلٸم الىپ, جەتٸلگەنٸن اتاپ ٶتتٸ.
«ارعى زاماندا دا, كەشەگٸ كەڭەستٸك كەزەڭدە دە, بٷگٸنگٸ تەۋەلسٸزدٸك ۋاقىتىندا دا بٸزدٸڭ بٸلٸم ٸزدەپ, ٸلٸم قۋعان جاستارىمىزدىڭ كٶبٸ رەسەيدٸ تاڭدادى. سەبەبٸ ونداعى بٸلٸم بەرۋ ٸسٸنٸڭ تامىرى تەرەڭ. سونىڭ بٸرٸ, تٸپتٸ بٸرەگەيٸ – م. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸ. اتالعان وقۋ ورنىن بٸتٸرگەن تالاي تٷلەك بٷگٸندە ازات قازاقستاننىڭ ەلەۋمەتتٸك-ەكونوميكالىق احۋالىن كٶتەرۋگە بەلسەندٸ اتسالىسىپ جٷر.
ممۋ-دىڭ العاشقى شەتەلدٸك فيليالىنىڭ بٸزدٸڭ استانامىزدا اشىلۋى قازاقستان مەن رەسەي اراسىنداعى دوستىق, باۋىرلاستىق بايلانىستاردىڭ جارقىن ايعاعى بولدى. وسى وقيعانىڭ ارقاسىندا كٶپ جىلدىق دەستٷرٸ بار قازاقستان مەن رەسەيدٸڭ عىلىمي-بٸلٸم بەرۋ بايلانىستارى جاڭا سەرپٸنگە يە بولدى», - دەدٸ مەملەكەتتٸك حاتشى.
ايتا كەتەيٸك, م. ۆ. لومونوسوۆ اتىنداعى ممۋ قازاقستان فيليالى قر تۇڭعىش پرەزيدەنتٸ - ەلباسى نۇرسۇلتان نازارباەۆتىڭ باستاماسىمەن جەنە رف پرەزيدەنتٸ ۆلاديمير پۋتيننٸڭ قولداۋىمەن قۇرىلعان.
2000 جىلعى 9 قازاندا رەسەي فەدەراتسيياسىنىڭ پرەزيدەنتٸ ۆ.ۆ. پۋتيننٸڭ قازاقستان رەسپۋبليكاسىنا جاساعان مەملەكەتتٸك ساپارىندا ممۋ رەكتورى, اكادەميك ۆ.ا. سادوۆنيچيي مەن قر بٸلٸم جەنە عىلىم مينيسترٸ ق.ە.كٶشەرباەۆ استانا قالاسىندا ل.ن.گۋميلەۆ اتىنداعى ەۋرازييالىق ۇلتتىق ۋنيۆەرسيتەتتٸڭ بازاسىندا م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستان فيليالىن قۇرۋ تۋرالى حاتتاماعا قول قويعان بولاتىن.
