قازاقستاندىق مەنەرلەپ سىرعاناۋشى ميحايل شايدوروۆ ەلەۋمەتتٸك جەلٸدە جازبا جارييالاپ, ٶزٸنە قاتىستى تاراعان اقپاراتتارعا تٷسٸنٸكتەمە بەردٸ, دەپ حابارلايدى Ult.kz.
سپورتشى ەڭ الدىمەن قازاقستاندىقتارعا قولداۋ بٸلدٸرگەنٸ ٷشٸن العىس ايتىپ, جالعان اقپاراتقا سەنبەي, ٶزٸنە سەنٸم ارتقاندارعا ريزاشىلىعىن جەتكٸزدٸ.
ميحايل شايدوروۆتىڭ ايتۋىنشا, ول 2025 جىلى ەلەم چەمپيوناتىندا كٷمٸس جٷلدە جەڭٸپ الىپ, قازاقستاننىڭ ەڭبەك سٸڭٸرگەن سپورت شەبەرٸ نورماتيۆٸن ورىنداعان. الايدا وسى كٷنگە دەيٸن تيٸستٸ كۋەلٸكتٸ الماعانىن مەلٸمدەدٸ.
— بۇل جەردە سالتاناتتى رەسٸم ماڭىزدى ەمەس. قۇجاتتى پوشتا ارقىلى السام دا جەتكٸلٸكتٸ. بٸراق ول — مەنٸڭ ون جىلدىق ەڭبەگٸمنٸڭ نەتيجەسٸ, — دەدٸ سپورتشى.
سونداي-اق ول وليمپيادا جٷلدەسٸنە بايلانىستى بەرٸلەتٸن سىياقىلارعا قاتىستى ەشقانداي شاعىمى جوعىن ايتتى. ونىڭ سٶزٸنشە, بۇل رەسٸم ۋاقىتتى تالاپ ەتەدٸ جەنە جۇمىس جٷرٸپ جاتقانىنا سەنٸمدٸ.
ٶمٸر بويى تٶلەنەتٸن تٶلەمدەر تۋرالى پٸكٸر بٸلدٸرگەن سپورتشى قازٸرگٸ تاڭدا مۇنداي تٶلەمدەردٸ الۋعا قۇقىعى جوعىن اتاپ ٶتتٸ. سەبەبٸ وعان كەمٸندە 20 جىل ەڭبەك ٶتٸلٸ قاجەت, ال قازٸر جاسى نەبەرٸ 21-دە.
شايدوروۆ جالاقى مەسەلەسٸنە دە توقتالدى. ايتۋىنشا, ول جەنە كومانداسى سپورتتى قولداۋ قورىنىڭ قارجىلاندىرۋدى قاراستىرۋىنا بايلانىستى سوڭعى بەس اي بويى جالاقى الماعان.
سونىمەن قاتار سپورتشى 2026 جىلعا ارنالعان كەلٸسٸمشارتتاعى بٸر تارماققا قاتىستى كەلٸسپەۋشٸلٸك تۋعانىن ايتتى. قۇجاتتا 2030 جىلعى وليمپيادادان مەدال جەڭٸپ الۋ مٸندەتٸ كٶرسەتٸلگەن.
— 2026 جىلعى كەلٸسٸمشارتتا 2030 جىلعى وليمپياداعا قاتىستى مٸندەتتەمەنٸڭ بولۋى قيسىنسىز. بٸز تەك وسى تارماقتى زاڭگەرلەرمەن قايتا قاراۋدى سۇرادىق, — دەدٸ ول.
سپورتشى جاڭا ماۋسىمعا دايىندىق مەسەلەلەرٸ دە ۇزاق ۋاقىت بويى نازاردان تىس قالعانىن جەتكٸزدٸ. ونىڭ ايتۋىنشا, 5 ماۋسىمعا جوسپارلانعان وقۋ-جاتتىعۋ جيىندارى بويىنشا بٸرنەشە رەت حابارلاسقانىمەن, ناقتى جاۋاپ بولماعان.
— اقپان ايىنان بەرٸ تٸپتٸ دەرٸگەرٸم دە جوق, — دەدٸ ميحايل شايدوروۆ.
ول ەگەر ماۋسىمعا قاجەتتٸ قارجىلاندىرۋ تولىق شەشٸلسە, تٶلەنبەي قالعان جالاقىسىن بالالاردى قورعاۋ كٷنٸنە وراي بالالارعا كٶمەك كٶرسەتۋگە باعىتتايتىنىن مەلٸمدەدٸ.
— بۇل مەنٸ قولداپ جٷرگەن قازاقستاندىقتار اتىنان بالالارعا ارنالعان سىيلىق بولسىن, — دەپ جازدى سپورتشى.
