قازاقستاندىق مەنەرلەپ سىرعاناۋشى ميحايل شايدوروۆ سلوۆاكييادا ٶتكەن ISU Challenger سەريياسىنداعى وندرەي نەپەلا مەموريالىندا جٷلدەگەرلەر قاتارىنان كٶرٸندٸ, دەپ حابارلايدى Ult.kz.
ۇلتتىق وليمپيادالىق كوميتەتتٸڭ حابارلاۋىنشا, سپورتشى قوس باعدارلامانىڭ نەتيجەسٸ بويىنشا 272,75 ۇپاي ەنشٸلەدٸ. ول قىسقا باعدارلامادا 95,98 ۇپاي السا, ەركٸن باعدارلامادا ٶنەرٸن 176,77 ۇپايعا باعالاتتى.
اتالعان سىندا بٸرٸنشٸ ورىندى بەيتاراپ مەرتەبەدە باق سىناعان رەسەيلٸك ەۆگەنيي سەمەنەنكو (292,09 ۇپاي) يەلەندٸ. ەكٸنشٸ ساتىعا 278,80 ۇپاي جيناعان يتالييا ٶكٸلٸ دانيەل گراسسل جايعاستى.
براتيسلاۆاداعى تۋرنير ميحايل شايدوروۆ ٷشٸن 2026/27 جىلعى جاڭا ماۋسىمداعى العاشقى حالىقارالىق جارىس بولدى.
