قاشقادارييا, فەرعانا جەنە حورەزم وبلىستارىنىڭ باسشىلارى پرەزيدەنت شاۆكات ميرزيياەۆتٸڭ سىنىنان كەيٸن حالىقتان كەشٸرٸم سۇرادى.
ٷش ەكٸمنٸڭ حالىقتان كەشٸرٸم سۇراعان ۆيدەولارى ەلەۋمەتتٸك جەلٸدە تارادى.
فەرعانا وبلىسىنىڭ باسشىسى شۋحرات گانيەۆ ريشتان اۋدانىنىڭ تۇرعىندارىمەن كەزدەسٸپ, بۇل اۋداندا باسپانالار زاڭسىز سٷرٸلگەنٸن مويىنداپ, حالىقتان كەشٸرٸم سۇرادى. ول اۋداندا ٷيلەردٸ زاڭسىز سٷرۋگە قاتىسى بار 14 قىزمەتكەر جۇمىستان الىنعانىن ايتتى.
فەرعانا وبلىسى باسشىسىنان سوڭ قاشقادارييا ايماعىنىڭ ەكٸمٸ زافار رۋزيەۆ تا حالىقتان كەشٸرٸم سۇرادى.
«ياككاباگ اۋدانىندا بولعان جايتقا وبلىس جەنە اۋدان ەكٸمشٸلٸگٸ كٸنەلٸ. ٷكٸمەتتەن, مەملەكەتتەن, حالقىمنان, جۋرناليستەردەن, كەسٸپكەرلەردەن مىڭ مەرتە كەشٸرٸم سۇرايمىن» دەدٸ زافار رۋزيەۆ.
20 شٸلدەدە ياككاباگ اۋدانىندا كەسٸپكەر اۋدان ەكٸمٸنٸڭ ورىنباسارى مانسۋر تۋيماەۆتٸ بەنزينمەن ٶرتەمەك بولعان. ازاتتىقتىڭ ٶزبەك قىزمەتٸنٸڭ حابارلاۋىنشا, كەسٸپكەر وسى ارقىلى كرەديتكە سالعان ەكٸ قاباتتى دٷكەنٸ مەن تسەحٸن سٷرۋدەن قورعاماق بولعان. ال ەكٸم ورىنباسارى بۇل عيماراتتى ٶز بەتٸنشە سٷرٸپ تاستاماق بولعان. وسى وقيعادان كەيٸن اۋدان ەكٸمٸ شوحمۋرول دوناەۆ قىزمەتٸنەن كەتٸپ, مانسۋر تۋيماەۆتٸڭ ٷستٸنەن قىلمىستىق ٸس قوزعالعان.
حورەزم وبلىسىنىڭ باسشىسى فارحود ەرمانوۆ تا ٶزبەكستان حالقىنان كەشٸرٸم سۇراپ, الداعى ۋاقىتتا بارلىق شەشٸمدٸ حالىقتىڭ رۇقساتىمەن قابىلدايتىنىن ايتتى.
«سٸزدەردٸڭ قينالعاندارىڭىز – بٸزدٸڭ كٸنەمٸز. بۇل جاعدايدا - مەن كٸنەلٸمٸن. بۇل ٸستە جوسپارمەن باستاعاندا, بەرٸن ەسەپتەپ العاندا, سٸزدەرمەن اقىلداسقاندا جاعداي ۋشىقپاس ەدٸ. الدارىڭىزدا تۇرىپ, كەشٸرٸم سۇرايمىن» دەدٸ ەرمانوۆ.
شٸلدەنٸڭ 26-سىنان 27-سٸنە اۋعان تٷنٸ حورەزم وبلىسى ٷرگەنشٸ اۋدانىندا ٷيلەرٸ سٷرٸلگەن مىڭداعان تۇرعىن جولدى جاۋىپ, بيلٸكتەن ٶتەماقى تالاپ ەتكەن. ٷيسٸز قالعان 400-دەن استام تۇرعىن بٸرنەشە اي بويى قولدان كٷركە جاساپ, سوندا كٷنەلتكەن. 27 شٸلدەدە ٷرگەنشٸگە ٶزبەكستان پرەمەر-مينيسترٸ ابدۋللا اريپوۆ كەلگەن. ەرتەسٸندە ٷيلەرٸ سٷرٸلگەن تۇرعىندارعا ٶتەماقى بەرٸلگەن.
2 تامىزدا سەلەكتورلىق جينالىستا ٶزبەكستان پرەزيدەنتٸ شاۆكات ميرزيياەۆ تۇرعىنداردىڭ ٷيٸ جاپپاي سٷرٸلگەن ٷش وبلىستىڭ ەكٸمٸن سىنعا العان. ول ٷش ەكٸم حالىقتان كەشٸرٸم سۇراۋى تيٸس دەگەن.
