ميرزيەەۆ ٶزبەكستانداعى پرەزيدەنت سايلاۋىندا جەڭٸسكە جەتتٸ

فوتو: gazeta.uz

ٶزبەكستاننىڭ قازٸرگٸ پرەزيدەنتٸ شاۆكات ميرزيەەۆ كەزەكتەن تىس پرەزيدەنتتٸك سايلاۋدا 87,5 پايىز داۋىس جيناپ, جەڭٸسكە جەتتٸ, - دەپ حابارلايدى Tengrinews.kz پورتالى "گازەتا.uz" سايتىنا سٸلتەمە جاساپ.

سايلاۋدىڭ الدىن الا نەتيجەلەرٸن تاشكەنتتە ٶتكەن بريفينگتە ورتالىق سايلاۋ كوميسسيياسىنىڭ تٶراعاسى زاينيددين نيزامحوجاەۆ مەلٸم ەتتٸ. ول 13 ميلليون 625 مىڭ 55 ادام داۋىس بەرگەن شاۆكات ميرزيەەۆ پرەزيدەنت بولىپ سايلانعانىن جارييالادى.

"ادولات" (ەدٸلەت) سوتسيال-دەموكراتييالىق پارتيياسىنان ۇسىنىلعان روباحون ماحمۋدوۆا 4,43 پايىز داۋىس جينادى - وعان 693 634 ادام داۋىس بەرگەن.

حالىق-دەموكراتييالىق پارتييانىڭ كانديداتى جەنە ونىڭ جەتەكشٸسٸ ۋلۋگبەك ينوياتوۆ 4,2 پايىز داۋىس جينادى - 629 مىڭ 116 ادام.

ٶزبەكستاننىڭ ەكولوگييالىق پارتيياسىنان ٷمٸتكەر ابدۋشۋكۋر حامزاەۆ 3,74 پايىز داۋىس جيناعان - 585 مىڭ 711 ادام.

2016 جىلى 4 جەلتوقساندا ٶتكەن سايلاۋدا شاۆكات ميرزيەەۆ 87,73 پايىز, 2021 جىلى 24 قازاندا 80,12 پايىز داۋىسپەن جەڭٸسكە جەتكەنٸ اتاپ ٶتٸلدٸ.