Foto: gazeta.uz
Ózbekstannyń qazirgi prezidenti Shavkat Mirzieev kezekten tys prezidenttik sailaýda 87,5 paiyz daýys jinap, jeńiske jetti, - dep habarlaidy Tengrinews.kz portaly "Gazeta.uz" saityna silteme jasap.
Sailaýdyń aldyn ala nátijelerin Tashkentte ótken brifingte Ortalyq sailaý komissiiasynyń tóraǵasy Zainiddin Nizamhojaev málim etti. Ol 13 million 625 myń 55 adam daýys bergen Shavkat Mirzieev prezident bolyp sailanǵanyn jariialady.
"Adolat" (Ádilet) sotsial-demokratiialyq partiiasynan usynylǵan Robahon Mahmýdova 4,43 paiyz daýys jinady - oǵan 693 634 adam daýys bergen.
Halyq-demokratiialyq partiianyń kandidaty jáne onyń jetekshisi Ýlýgbek Inoiatov 4,2 paiyz daýys jinady - 629 myń 116 adam.
Ózbekstannyń Ekologiialyq partiiasynan úmitker Abdýshýkýr Hamzaev 3,74 paiyz daýys jinaǵan - 585 myń 711 adam.
2016 jyly 4 jeltoqsanda ótken sailaýda Shavkat Mirzieev 87,73 paiyz, 2021 jyly 24 qazanda 80,12 paiyz daýyspen jeńiske jetkeni atap ótildi.
