بەلارۋس سوتى 23 مامىردا Ryanair ۇشاعى مينسكٸگە تٶتەنشە جاعدايدا قونعاننان كەيٸن ۇستالعان رەسەي ازاماتى سوفييا ساپەگانى ەكٸ ايعا قامادى.
ادۆوكات الەكساندر فيلانوۆيچ ربك اگەنتتٸگٸنە بەرگەن سۇحباتىندا سەيسەنبٸ كٷنٸ تەرگەۋشٸلەردٸڭ سوفييا ساپەگادان جاۋاپ العانىن ايتقان. ول بٸرنەشە قىلمىستىق ٸس بويىنشا كٷدٸككە ٸلٸنگەن. قازٸر بەلارۋس ۇلتتىق قاۋٸپسٸزدٸك كوميتەتٸنٸڭ تەرگەۋ يزولياتورىندا قاماۋدا وتىر.
25 مامىردا بەلارۋستٸڭ بيلٸكشٸل "جەلتىە سليۆى" ارناسى سوفييا ساپەگانىڭ ۆيدەوسىن جارييالادى. وندا قىز بالا ٶزٸن تانىستىرىپ, رومان پروتاسەۆيچپەن بٸرگە ۇشقانىن ايتادى, ٸشكٸ ٸستەر ورگان قىزمەتكەرلەرٸنٸڭ جەكە اقپاراتىن جارييالايتىن تەلەگرام ارنانىڭ رەداكتورى بولعانىن مويىندايدى.
- بۇعان دەيٸن Ryanair رەيسٸندە ساپەگادان باسقا تاعى رەسەيلٸك تٶرت ازاماتتىڭ بولعانى جايلى حابار تاراعان. الايدا رەسەي سٸم بۇل اقپاراتتى راستاماعان.
- 23 مامىردا Ryanair ەۋە كومپانيياسىنىڭ گرەكييادان ليتۆاعا بارا جاتقان FR497 رەيسٸ كەنەتتەن باعىتىن ٶزگەرتٸپ, مينسكٸگە قونۋعا مەجبٷر بولعان. بەلارۋس بيلٸگٸ ارنايى ەسكەري ۇشاق جٸبەرٸپ, رەيستە بومبا بولۋى مٷمكٸن دەپ ۇشاقتى مينسكٸگە بۇرعان. بورتتان بومبا تابىلمادى, ەسەسٸنە بەلارۋس پوليتسيياسى ۇشاقتا بولعان وپپوزيتسييالىق جۋرناليست, NEXTA Live Telegram ارناسىنىڭ نەگٸزٸن قالاۋشىلاردىڭ بٸرٸ, جۋرناليست رومان پروتاسەۆيچتٸ تۇتقىندادى. ۇشاقتى بۇرۋعا بەلارۋس رەجيمٸنٸڭ باسىندا وتىرعان الەكساندر لۋكاشەنكونىڭ ٶزٸ بۇيرىق بەرگەن.
- رومان پروتاسەۆيچ سوڭعى كەزدەرٸ "بەلارۋس گولوۆنوگو موزگا" تەلەگرام-ارناسىن جٷرگٸزٸپ كەلگەن. ول – الەكساندر لۋكاشەنكوعا قارسى جاپپاي نارازالىق شەرۋلەرٸنەن حابار تاراتقان NEXTA تەلەگرام-ارناسىنىڭ نەگٸزٸن قالاۋشىلاردىڭ بٸرٸ. بەلارۋس بيلٸگٸ بۇل ارنانى ەكسترەميستٸك مەديا دەپ سانايدى. بيلٸك پروتاسەۆيچكە حالىقارالىق ٸزدەۋ جارييالاپ, ونى "تەرروريستەر تٸزٸمٸنە" قوسقان. ول بٸرنەشە جىل بۇرىن قاۋٸپسٸزدٸك ماقساتىندا بەلارۋستەن كەتٸپ قالعان.
- 24 مامىردا بەلارۋس تەلەارنالارى رومان پروتاسەۆيچتٸڭ ۆيدەومەلٸمدەمەسٸن جارييالادى. ۆيدەودا جۋرناليست جاعدايى قالىپتى ەكەنٸن, مينسكٸدەگٸ تەرگەۋ يزولياتورىندا وتىرعانىن جەنە ٶزٸنە قىزمەتكەرلەردٸڭ "دٶرەكٸلٸك" كٶرسەتپەگەنٸن ايتادى. بلوگەر سونىمەن بٸرگە جاپپاي تەرتٸپسٸزدٸك ٸسٸ بويىنشا جاۋاپ بەرٸپ جاتقانىن اتاپ ٶتكەن.
- ۆيدەومەلٸمدەمەنٸ كٶرگەن جۋرناليستٸڭ اناسى ناتاليا پروتاسەۆيچ ۇلىنىڭ جاعدايىنا الاڭداپ, وعان قىسىم كٶرسەتكەن بولۋى مٷمكٸن دەپ سانايدى.
- باتىس ەلدەرٸ مينسكٸدەن جۋرناليستٸ بوساتۋدى تالاپ ەتٸپ جاتىر. 24 مامىردا بريۋسسەلدەگٸ كەزدەسۋدە ەۋروپا وداعىنا مٷشە 27 ەلدٸڭ جەتەكشٸلەرٸ بەلارۋس بيلٸگٸنە تاعى دا سانكتسييا سالۋعا كەلٸستٸ. جيىندا ەو ليدەرلەرٸ وداققا مٷشە ەلدەردٸڭ ەۋە كومپانييالارىن بەلارۋس تٶبەسٸنەن ۇشپاۋعا, بەلارۋستٸڭ Belavia ەۋە كومپانيياسىن ەۋروپاعا كٸرگٸزبەۋگە شاقىرعان. Belavia 30 قازانعا دەيٸن ۇلىبريتانييا مەن فرانتسيياعا رەيس ۇشىرمايتىنىن مەلٸمدەدٸ.
