قازاقستاندا ۆاكتسينا سالدىرماعان جاسٶسپٸرٸمدەر مەكتەپكە كٸرگٸزٸلمەيدٸ دەگەن مەلٸمەتكە قاتىستى ەلٸمٸزدٸڭ دەنساۋلىق ۆيتسە-مينيسترٸ اجار عينييات تٷسٸنٸكتەمە بەردٸ, دەپ حابارلايدى قازاقپارات.
«ۆاكتسينانى بالالارعا مٸندەتتەپ سالعىزادى دەپ جاتقان اتا-انالارعا ايتارىم, ۋايىمداماڭىزدار. شەشٸمدٸ سٸزدەر قابىلدايسىزدار, ەشكٸم اتا-انانىڭ رۇقساتىنسىز بالاعا ەكپە سالمايدى. دەگەنمەن ويلانۋعا شاقىرامىز, الدىمەن بالانىڭ دەنساۋلىعىن. وسى ورايدا مەن سٸزدەرگە ستاتيستيكانى كەلتٸرٸپ كەتەيٸن. بٷگٸندٸ تاڭدا ەلٸمٸز بويىنشا 15 مىڭ بالا كوروناۆيرۋس ينفەكتسيياسىنىڭ ورتا اۋىر جەنە اۋىر تٷرٸنە شالدىعىپ, ەم الدى. سونداي-اق, 44 بالا اتالعان ٸندەتتٸڭ جەڭٸل تٷرٸمەن اۋىرىپ شىعىپ, كەيٸن قايتا جۇقتىرۋ جاعدايى تٸركەلٸپ وتىر. ٶكٸنٸشتٸسٸ سول, بالالار كوروناۆيرۋسپەن عانا كٷرەسٸپ جاتقان جوق, ونى جۇقتىرۋ سالدارىنان باسقا اۋرۋ تٷرلەرٸن اسقىندىرىپ الىپ جاتىر», - دەدٸ اجار عينييات تانىمال تەلەجٷرگٸزۋشٸ لەيلە سۇلتانقىزىنا بەرگەن سۇحباتىندا.
سونداي-اق, ۆيتسە-مينيستر بالالارعا كٷشتەپ نەمەسە مٸندەتتەپ ۆاكتسينا سالادى دەگەننٸڭ قۇر قاۋەسەت ەكەنٸن ايتتى.
«ۆاكتسينا الماعان بالالاردى مەكتەپكە كٸرگٸزبەي قويادى دەگەن جالعان. بٸزدە ونداي ماقسات جوق. بٷگٸندە ەلٸمٸزدە 26 مىڭنان استام بالا ەكپە سالعىزدى. مەن وسى كٷندەرٸ بٸرقاتار ەمحانا مەن مەكتەپتە بولدىم, سوندا اتا-اناسىمەن كەلٸپ ۆاكتسينا الىپ جاتقان بالالاردىڭ قاراسى بارشىلىق»,- دەيدٸ ول.
