مەجٸلٸس دەپۋتاتى يۋلييا كۋچينسكايا وقۋ-اعارتۋ مينيسترٸ اسحات ايماعامبەتوۆتٸڭ اتىنا دەپۋتاتتىق ساۋال جولداپ, مۇعالٸمدەردٸڭ ايلىعىن كەشٸكتەرمەي تٶلەۋدٸ سۇرادى, دەپ حابارلايدى قازاقپارات.
«كەيٸنگٸ بٸرنەشە كٷندە دەپۋتاتتاردىڭ اتىنا مۇعالٸمدەردەن كٶپتەگەن ٶتٸنٸشتەر تٷسٸپ جاتىر. ولار ايلىقتارى, ەڭبەك دەمالىسىنىڭ اقىسى, ەمدەلۋ ٶتەماقىسى كەشٸگٸپ جاتقانىن ايتىپ, كٶمەك سۇراۋدا», - دەدٸ مەجٸلٸس ٶكٸلٸ.
ونىڭ دەرەگٸ بويىنشا, 1 ماۋسىمدا ەلدەگٸ 300 مىڭداي مۇعالٸم جازعى ەڭبەك دەمالىسىنا شىققان.
«سٸزدٸڭ ۆەدومستۆو ماماندارىنىڭ بيۋدجەت جوسپارلاۋعا سالعىرت قاراۋىنىڭ سالدارىنان قاراجات تاپشىلىعى تۋىنداپ وتىر. ونىڭ سالارىنان پەداگوگتەردٸڭ بٸر بٶلٸگٸ مامىر ايىنىڭ ايلىعىن تولىق كٶلەمدە الا الماي وتىر. ونىڭ ٷستٸنە ەڭبەك دەمالىسىنىڭ اقىسى مەن ەمدەلۋ ٶتەماقىسىنىڭ قارىزى 30 ملرد تەڭگەگە جەتكەن. پەداگوگتەردٸڭ بۇل شاعىمى ەدٸلەتتٸ بولعانىنا قاراماستان, مينيسترلٸك جۇمعان اۋزىن اشپاي وتىر», - دەگەن دەپۋتات مينيستر اسحات ايماعامبەتوۆتەن اتالعان مەسەلەنٸ كەشٸكتٸرمەي شەشۋدٸ سۇرادى.
