قازاقستاندا تۇرعىندارعا ساتىلاتىن كٶمٸر باعاسىنىڭ قىمباتتاۋىنا تاسىمالداۋ تاريفتەرٸ مەن دەلدالداردىڭ كٶپتٸگٸ كەدٸمگٸدەي ەسەر ەتٸپ وتىر, دەپ مەلٸمدەدٸ بەيسەنبٸدە ەنەرگەتيكا مينيسترلٸگٸنٸڭ باسپاسٶز قىزمەتٸ.
مينيسترلٸك اقپاراتىنا قاراعاندا, بيىل توعىز ايدا كوممۋنالدىق جەنە تۇرمىستىق قاجەتتٸلٸككە 8 ميلليون توننا كٶمٸر جٶنەلتٸلگەن جەنە بۇل ٶتكەن جىلعى كٶرسەتكٸشتەن 1,5 ميلليون تونناعا كٶپ.
مينيسترلٸك قازٸر كٶمٸر قويمالارىندا قور جەتكٸلٸكتٸ ەكەنٸن جەنە كارەردەن نەمەسە شاحتادان شىعارىلاتىن كٶمٸر باعاسى "ايتارلىقتاي قىمبات ەمەس" ەكەنٸن ايتادى. بٸراق ۆەدومستۆو كٶمٸردٸڭ كەنٸشتەن ساتىپ العانداعى باعاسى قانشا ەكەنٸن ايتپايدى.
"وڭتٷستٸك قازاقستان وبلىسى بويىنشا كەنتاۋ قالاسىنداعى كٶمٸر قورى 37 مىڭ توننا, تٷركٸستان قالاسىنداعى كٶمٸر قورى 5 مىڭ توننانى قۇرايدى. شۇباركٶل كٶمٸرٸنٸڭ تونناسى 12,5 مىڭ تەڭگە, مايكٷبٸ كٶمٸرٸ 8,5 مىڭ تەڭگە تۇرادى" دەلٸنگەن مينيسترلٸك اقپاراتىندا.
ال قاراعاندىدا بٸر توننا كٶمٸردٸڭ باعاسى 6 مىڭ تەڭگەدەن باستاپ (سارىادىر كٶمٸرٸ) 11 مىڭ تەڭگەگە دەيٸن (شۇباركٶل كٶمٸرٸ) جەتەدٸ.
استاناداعى ەكٸ كٶمٸر قويماسىندا شۇباركٶل كٶمٸرٸنٸڭ ەڭ جوعارعى باعاسى 14 مىڭ تەڭگە, مايكٷبٸ كٶمٸرٸ 8,5 مىڭ تەڭگەنٸ قۇرايدى.
ەنەرگەتيكا ميينسترلٸگٸ الماتىدا بٸر توننا كٶمٸردٸڭ باعاسى 15 مىڭ تەڭگەدەن باستاپ (قاراجىرا كٶمٸرٸ) 23 مىڭ تەڭگەگە دەيٸن (شۇباركٶل كٶمٸرٸ) جەتەتٸنٸن ايتادى.
رەسمي تٷسٸندٸرمەگە ساي, تۇتىنۋشىلار ساتىپ الاتىن كٶمٸر باعاسىنىڭ ٶسۋٸنە تەمٸرجول تاريفتەرٸ, دەلدالداردىڭ كٶپتٸگٸ جەنە ولاردىڭ ٶز باعاسىن قويۋى ايتارلىقتاي ەسەر ەتەدٸ.
مينيسترلٸك كٶمٸر باعاسىن بەلگٸلەۋ, ساتىلىمدى رەتتەۋ جەنە دەلدالداردى جويۋ ٶز قۇزىرەتٸنە كٸرمەيتٸنٸن, ساتىپ الۋ مەن حالىققا تاراتۋ جەرگٸلٸكتٸ اتقارۋ ورگاندارىنىڭ مٸندەتٸنە جاتاتىنىن ايتادى.
