21 قىركٷيەكتە ارىستاعى قارۋ-جاراق جوياتىن پوليگونداعى جارىلىستا زارداپ شەككەن ٷش ساپەردٸڭ جاعدايى اۋىر, بٸرەۋٸنٸڭ جاعدايى ورتاشا, التاۋىنىڭ حالٸ تۇراقتى. بۇل تۋرالى 23 قىركٷيەكتە ٷكٸمەت وتىرىسىنان كەيٸن ەلدٸڭ قورعانىس مينيسترٸ نۇرلان ەرمەكباەۆ حابارلادى.
"ارىستاعى قارۋ-جاراق قويماسىندا ٶتە كٷردەلٸ جۇمىستار باستالدى. وسى جۇمىستار بارىسىندا ەسكەري بٶلٸمشەدەن جارىلاتىن, جارىلمايتىن قارۋ تٷرلەرٸنٸڭ فراگمەنتتەرٸ تابىلىپ جاتىر. وق-دەرٸلەر ارىستان 60 شاقىرىم جەردە ورنالاسقان پوليگوندا جويىلىپ جاتىر. جەرگٸلٸكتٸ تۇرعىندارعا, ارىس قالاسىنا قازٸر قاۋٸپ جوق" دەدٸ ەرمەكباەۆ.
21 قىركٷيەكتە ارىس قالاسىنان 60 شاقىرىم جەردە ورنالاسقان پوليگوندا وق-دەرٸلەردٸ جويۋ كەزٸندە ون ساپەر جارالانعان. ولار ەسكەري گوسپيتالعا جەتكٸزٸلگەن.
ايتا كەتەيٸك, وسىدان ٷش ايداي بۇرىن تٷركٸستان وبلىسى ارىس قالاسىنداعى ەسكەري قويما جارىلىپ, تٶرت ادام قازا تاپقان. رەسمي دەرەك بويىنشا, قويماداعى وق-دەرٸنٸڭ 70 پايىزدان استامى جارىلىپ كەتكەن. قالاداعى تۇرعىن ٷيلەردٸڭ باسىم بٶلٸگٸ بٷلٸنگەن.
وسى وقيعادان سوڭ ەلدەگٸ ەسكەري قويمالاردىڭ جاعدايى مەن قويما ماڭىنداعى تۇرعىندار قاۋٸپسٸزدٸگٸ مەسەلەسٸ كٶتەرٸلە باستاعان.
سوڭعى ون جىلدا ارىس قالاسىندا ەسكەري قارۋ ساقتالاتىن قويمالاردا تٶرت رەت جارىلىس بولىپ, بٸرنەشە ادام قازاعا ۇشىراعان. بيىل ماۋسىمداعى جارىلىستان كەيٸن قورعانىس مينيسترلٸگٸ ەسكەري وق-دەرٸنٸڭ "ەلدٸمەكەندەردەن اۋلاق جەرگە" كٶشٸرٸلەتٸنٸن مەلٸمدەگەن.
