"تۇرعىن ٷي قۇرىلىس جيناق بانكٸ" اق جەكەشەلەندٸرٸلگەندە بارلىق شارت ساقتالادى. ٶزگەرەتٸنٸ – بانك يەسٸ "بەيتەرەك" حولدينگٸنٸڭ ورنىنا ستراتەگييالىق ينۆەستور كەلەدٸ. بۇل تۋرالى قر ۇلتتىق ەنەرگەتيكا مينيسترٸ تيمۋر سٷلەيمەنوۆ مەلٸمدەدٸ, دەپ حابارلايدى Sputnik قازاقستان تٸلشٸسٸ.
بٷگٸن مەجٸلٸستەگٸ ٷكٸمەت ساعاتىندا حالىق قالاۋلىلارى "تۇرعىن ٷي قۇرىلىس جيناق بانكٸنٸڭ" جەكەشەلەندٸرٸلۋٸنە قاتىستى بٸراز مەسەلەنٸ قوزعادى.
"تٷقجب جەكەشەلەندٸرۋ جوسپارىنىڭ باسىمدىققا يە تٸزٸمٸنە قوسىلعان. اتالعان نىساندى جەكەشەلەندٸرۋدٸڭ نەگٸزگٸ ماقساتى قانداي? جاڭا ينۆەستور كەلگەندە, جىلدىق مٶلشەرلەمە نە بولادى? بانك مەملەكەتتٸك تۇرعىن ٷي باعدارلامالارىنا قاتىسۋىن جالعاستىرا ما?", — دەپ سۇرادى دەپۋتات پەتر شاراپاەۆ ۇلتتىق ەكونوميكا مينيسترٸ تيمۋر سٷلەيمەنوۆتەن.
سٷلەيمەنوۆ سالىمشىلار ٷشٸن بارلىق جەڭٸلدٸكتٸ شارتتار ساقتالاتىنىن اتاپ ٶتتٸ.
"بۇل مەسەلە ازاماتتار ٷشٸن ٶتە ماڭىزدى. سەبەبٸ قازاقستاندىقتاردىڭ دەنٸ وسى بانك ارقىلى باسپانالى بولۋعا مٷمكٸندٸك الادى. سوندىقتان اتالعان نىسان جەكەشەلەندٸرٸلگەننەن كەيٸن, "نۇرلى جەر" بويىنشا قاراستىرىلعان بارلىق شارت ساقتالادى. ياعني, سالىمشىلارعا 20 پايىز مەملەكەتتٸك سىياقى تٶلەنەدٸ, قالعان شارتتار دا ٶزگەرٸسسٸز قالادى. ٶزگەرەتٸن جالعىز دٷنيە – بانك يەسٸ "بەيتەرەك" حولدينگٸنٸڭ ورنىنا ستراتەگييالىق ينۆەستور كەلەدٸ. بٸزدٸڭ الدىمىزدا تۇرعان مٸندەتتەردٸ جٷزەگە اسىرۋدا ونىڭ رٶلٸ ٶزگەرمەيدٸ. جەكەشەلەندٸرۋدەن بٸزگە قوسىمشا قاراجات تٷسەدٸ, سونداي-اق جاڭا تەحنولوگييالار, جاڭا كورپوراتيۆتٸك باسقارۋ پايدا بولادى دەپ ٷمٸتتەنەمٸز. قارجى ينستيتۋتىنىڭ تيٸمدٸلٸگٸ ارتا تٷسەدٸ دەگەن ويدامىز", — دەدٸ مينيستر.
"بەيتەرەك" ۇلتتىق باسقارۋشى حولدينگٸ باسقارما تٶراعاسىنىڭ ورىنباسارى عالىمجان تاجيياقوۆ جەكەشەلەندٸرٸلگەننەن كەيٸن دە بانك مەملەكەتتٸڭ باقىلاۋىندا بولاتىنىن اتاپ ٶتتٸ.
"كەشەندٸ جوسپارعا سەيكەس تٷقجب جەكەشەلەندٸرۋ ٷلەسٸ 49%-دان اسپايدى. باقىلاۋ قۇقىعى مەملەكەتتە قالادى. بانك, سٸزدەر بٸلەسٸزدەر, تۇرعىن ٷي قۇرىلىس جيناعى تۋرالى زاڭمەن رەتتەلەدٸ, سىياقى بويىنشا بارلىق تٶلەم, جەڭٸلدٸكتەر قالادى. بٸز جەكەشەلەندٸرۋدەن نە كٷتەمٸز? بٸز بانك جۇمىسىنا جاڭاشىلدىق ەكەلەتٸن ستراتەگييالىق ينۆەستوردى كٷتەمٸز", — دەدٸ تاجيياقوۆ.
دەسەك تە, سٷلەيمەنوۆ مەن تاجيياقوۆتىڭ جاۋابى دەپۋتاتتاردى قاناعاتتاندىرمادى. مەجٸلٸسمەن ومارحان ٶكسٸكباەۆ شەنەۋنٸكتەردٸڭ جاۋابى تٷسٸنٸكسٸز, ناقتى ەمەس ەكەنٸن ايتتى.
"ستراتەگييالىق ينۆەستور ەكەلەمٸز دەپ تٷسٸندٸرٸپ جاتىر. بٸز بۇدان نە ۇتامىز? ەگەر ستراتەگييالىق ينۆەستور كەلسە, ول بانككە قۇيعان اقشاسى ٷشٸن ٶزٸنٸڭ شارتتارىن قويماي ما? ونىڭ ٶزٸنٸڭ ەرەجەلەرٸ بولادى. بٸز وعان نەنٸ رۇقسات ەتەمٸز, نە تابامىز? ەشكٸم ناقتى جاۋاپ بەرمەيدٸ", — دەپ اشۋلاندى ٶكسٸكباەۆ.
"بٸرٸنشٸ, تٷقجب بارلىق جەڭٸلدٸكتٸ شارتتارى ساقتالادى. ەكٸنشٸسٸ – تٷقجب-نىڭ "نۇرلى جەر" جەنە مٷمكٸن "7-20-25" باعدارلامالارىنا قاتىسۋى ساقتالادى جەنە مەموراندۋمدا جازىلادى. ەگەر ينۆەستور بٸزدٸڭ قويعان تالاپتارىمىزعا كٶنبەسە, بٸز بانكتٸ ساتپايمىز. ٷشٸنشٸ, جىلدىق 20% سىياقى دا سول قالپى قالادى. ستراتەگييالىق ينۆەستوردىڭ الدىنا وسىنداي شارتتار قويامىز. ەگەر بٸزدٸڭ شارتتارىمىزدى ورىنداي الاتىن ستراتەگييالىق ينۆەستور تابىلسا, بٸز ونى ساتامىز. ەگەر تابا الماساق, ودان ەرٸ قاراستىرامىز. بۇل بٸزدٸڭ حالقىمىز ٷشٸن ٷش ماڭىزدى شارت. وسى ٷش شارتتى ساقتاماي بٸز بانكتٸ ساتپايمىز", — دەپ ۋەدە بەردٸ مينيستر سٷلەيمەنوۆ.
