حالىق الدىندا ەسەپ بەرگەن يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ حالىقارالىق قارجى ينستيتۋتتارىنىڭ اقشاسىنا جٶندەلٸپ جاتقان جولداردىڭ جاعدايىنا توقتالدى, دەپ حابارلايدى قازاقپارات.
«بٷگٸندە قاراعاندىدان قاپشاعايعا (946 كم) دەيٸنگٸ ۋچاسكەلەردە اۋقىمدى قۇرىلىس جٷرٸپ جاتىر. ەلٸمٸزدٸڭ شىعىسىندا «تالدىقورعان-ٶسكەمەن» (768 كم) جەنە «قالباتاۋ-مايقاپشاعاي» (415 كم) جولدارى قايتا جاڭعىرتۋدان ٶتۋدە. الاكٶلدٸڭ تۋريستٸك كلاستەرٸن دامىتۋ ٷشٸن بٸز «ٷشارال-دوستىق» (184 كم) اۆتوجولىن قايتا جاڭارتىپ جاتىرمىز», - دەگەن ۆەدومستۆو باسشىسى «مەركٸ-بۋرىلبايتال» (262 كم) تاسجولىن قايتا جاڭارتۋ ارقىلى بالقاش كٶلٸنٸڭ كۋرورتتىق ايماعىن ساپالى ينفراقۇرىلىممەن قامتاماسىز ەتۋ كٶزدەلگەنٸن ەسكە سالدى.
«وڭتٷستٸكتەگٸ «ۇزىناعاش-وتار» (96 كم) اۆتوجولى قايتا جاڭعىرتىلىپ, شامالعان ستانتسيياسىنىڭ تەمٸرجول ٶتكەلٸنە جول ايرىعى سالىنۋدا. باتىستاعى «اقتٶبە-اتىراۋ-استراحان» (740 كم) جوباسىن جٷزەگە اسىرىپ جاتىرمىز. وسى ماقساتتارعا حالىقارالىق قارجى ينستيتۋتتارىنىڭ قارىزدارى تارتىلعان. ولاردىڭ قاتارىندا دٷنيەجٷزٸلٸك, ەۋروپالىق قايتا قۇرۋ جەنە دامۋ بانكٸ, ازييا دامۋ بانكٸ جەنە «ەكسيمبانك» نەسيەلەرٸ بار», - دەدٸ بەيبٸت اتامقۇلوۆ.
مينيستردٸڭ ايتۋىنشا, اتالعان جوبالاردان قيىندىقتار تاۋىنداپ جاتقان كٶرٸنەدٸ. اتاپ ايتقاندا, ەۋروپا قايتا قۇرۋ جەنە دامۋ بانكٸ قارجىلاندىراتىن «بالقاش-بۋرىلبايتال» (288 كم) جەنە «ۇزىناعاش-وتار» (96 كم) جوبالارىندا جۇمىستاردى ساپاسىز ورىنداعان مەردٸگەرلٸك ۇيىمدارمەن 4 كەلٸسٸمشارت توقتاتىلعان.
«قالعان 2 ۋچاسكە بويىنشا بانك ەرەجەلەرٸ بويىنشا مەردٸگەر ۇيىمدى انىقتاۋ بويىنشا كونكۋرستىق رەسٸمدەر ٶتكٸزٸلەدٸ. جالپى, مەملەكەت باسشىسى تاپسىرعانداي, قاراعاندى-بالقاش-الماتى دەلٸزٸ 2023 جىلى تولىعىمەن اياقتالادى», - دەپ سەندٸردٸ مينيستر.
بەيبٸت اتامقۇلوۆ «ەكسيمبانكتٸڭ» قارجىلاندىراتىن «مەركە-بۋرىلبايتال» جەنە «قالباتاۋ-مايقاپشاعاي» جوبالارى بويىنشا «سينسين» جەنە «قازگەرستروي» كومپانييالارى قيىندىققا تاپ بولعانىن اتادى.
«اتالعان جوبالاردى ٸسكە اسىرۋعا تەڭگەنٸڭ قۇنسىزدانۋى مەن قۇبىلمالىلىعى ەسەر ەتتٸ. بيتۋم, تسەمەنت, مەتالل, ديزەل باعاسىنىڭ تۇراقتى ٶسۋٸ دە ەسەر ەتۋدە», - دەدٸ يندۋسترييا جەنە ينفراقۇرىلىمدىق دامۋ مينيسترٸ.
