تٶتەنشە جاعدايلار مينيسترٸ يۋريي يلين ٶزەندەردٸڭ تاسۋى سالدارىنان سۋ باسۋ قاۋپٸ بار ايماقتاردى اتادى, دەپ حابارلايدى Sputnik قازاقستان.
رەسمي مەلٸمەتكە سەيكەس, بٷگٸندە اقمولا (ەسٸل ٶزەنٸ, سەرگەەۆ سۋ قويماسىنا دەيٸن), اقتٶبە (ٸلەك), قاراعاندى (نۇرا) باتىس قازاقستان (چيجا-2, دەركٶل, شاعان) جەنە قوستاناي وبلىستارىندا (توبىل جەنە ايات ٶزەندەرٸ) ورتاشا كٶپجىلدىق مەندەرمەن سالىستىرعاندا ىلعال قورى كٶلەمٸنٸڭ ارتۋى تٸركەلگەن.
"مەسەلەن, اقمولا مەن سولتٷستٸك قازاقستان وبلىستارىندا ەسٸل ٶزەنٸ بويىندا سۋ باسۋ قاۋپٸ بار. سەبەبٸ ول جەردە كٶپ قار جاتىر", - دەدٸ يلين ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
مينيستردٸڭ ايتۋىنشا, اقمولا, اقتٶبە, شىعىس قازاقستان, باتىس قازاقستان, قاراعاندى, قوستاناي, پاۆلودار جەنە سولتٷستٸك قازاقستان وبلىستارىنىڭ اۋماعىندا بٸر اپتانىڭ ٸشٸندە اۋا تەمپەراتۋراسى كٶتەرٸلەدٸ دەگەن بولجام بار.
سونىڭ سالدارىنان قار ەرۋ مەن سەڭ جٷرۋٸ مٷمكٸن. وسى ٶڭٸرلەردە 157 ەلدٸ مەكەندٸ سۋ باسۋ قاۋپٸ ساقتالىپ وتىر.
"سونىمەن قاتار, تٷركٸستان وبلىسىنىڭ وڭتٷستٸگٸندە جەنە تاۋلى, تاۋ بٶكتەرٸ اۋداندارىندا, جامبىل وبلىسىنىڭ سولتٷستٸك-شىعىسىندا, وڭتٷستٸگٸندە, تاۋلى جەنە تاۋ بٶكتەرٸ اۋداندارىندا, الماتى وبلىسىنىڭ وڭتٷستٸگٸندە جەنە تاۋلى اۋداندارىندا جاڭبىر مەن قار تٷرٸندەگٸ قاتتى جاۋىن-شاشىن تٷسەدٸ دەگەن بولجام بار. وسىعان بايلانىستى جوعارىدا اتالعان ٶڭٸرلەردٸڭ تاۋ بٶكتەرٸ اۋداندارىندا كٶلبەۋ اعىن مەن تاۋ ٶزەندەرٸ بويىنشا سۋ تاسقىنى قالىپتاسادى, سونداي-اق. قار كٶشكٸنٸنٸڭ ٶزدٸگٸنەن تٷسۋٸنە سەبەپ بولۋى مٷمكٸن", - دەپ اتاپ كٶرسەتتٸ يلين.
قازگيدرومەتتٸڭ ناۋرىزدىڭ ٷشٸنشٸ ونكٷندٸگٸنە ارنالعان ناقتىلانعان اپتالىق گيدرولوگييالىق بولجامىنا سەيكەس, رەسپۋبليكا اۋماعىندا اۋا رايى تۇراقسىز, قاتتى جاۋىن-شاشىن, 23-28 م/س دەيٸنگٸ ەكپٸندٸ جەل كٷتٸلەدٸ.
