قر دەنساۋلىق ساقتاۋ مينيسترٸ الەكسەي تسوي Pfizer ۆاكتسيناسى بٸر ايدىڭ ٸشٸندە جەتكٸزٸلەتٸنٸن ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە Pfizer ۆاكتسيناسىن قازاقستانعا جەتكٸزۋ مەرزٸمٸ تۋرالى سۇرالدى.
«Pfizer ۆاكتسيناسىنا قاتىستى كٷردەلٸ لوگيستيكا بولعاندىقتان, قالالار بويىنشا بٸرنەشە نٷكتەلٸ ورىندار ايقىندالادى. وسى ورايدا ناقتى مەكەجايلاردى, بايلانىس نٶمٸرلەرٸن حابارلايمىز. ناقتى قانداي ۆاكتسينالاۋ پۋنكتەرٸ بولاتىنىن جارييالايمىز», - دەدٸ تسوي.
سونىمەن قاتار ول اتالعان ەكپەنٸ جەتكٸزۋ مەرزٸمٸن ايتتى.
«بٸر ايدا جەتكٸزٸلەدٸ, ياعني تٶرتٸنشٸ توقسانعا جوسپارلانعان. توڭازىتقىشتار جاقىن ارادا بولادى. مەنٸڭ ويىمشا, قازان-قاراشا ايلارىندا جەتكٸزٸلەدٸ», - دەدٸ مينيستر.
