"مۇعالٸم مەرتەبەسٸ" تۋرالى زاڭ جوباسى تامىز ايىنا قاراي مەجٸلٸستٸڭ قاراۋىنا ەنگٸزٸلەدٸ. بۇل تۋرالى بٷگٸن بٸلٸم جەنە عىلىم مينيسترٸ كٷلەش شەمشيدينوۆا مەلٸمدەدٸ, دەپ حابارلايدى Sputnik قازاقستان تٸلشٸسٸ.
مينيستردٸڭ ايتۋىنشا, "مۇعالٸم مەرتەبەسٸ" تۋرالى زاڭ جوباسى كٶپتەگەن ەسكەرتۋ جاسالعاننان كەيٸن قايتا قارالعان. 30 جىلدىق ەڭبەك ٶتٸلٸ بار ۇستازداردىڭ زەينەتكە ەرتە شىعۋ مٷمكٸندٸگٸ قاراستىرىلعان زاڭ جوباسى تامىزعا قاراي مەجٸلٸسكە تٷسەدٸ.
شەمشيدينوۆا مۇعالٸمدەر ازاماتتىق قىزمەتكەرلەر ساناتىنا جاتاتىنىن, سوندىقتان زەينەت جاسىنا بايلانىستى مەسەلە بارلىق ورگانمەن بٸرلەسٸپ قارالاتىنىن اتاپ ٶتتٸ.
"قازٸر بٸز زەينەتاقى مەسەلەسٸن باسقاشا تۇرعىدان كٶتەرٸپ جاتىرمىز. ەگەر ادام پەداگوگيكالىق جوعارى وقۋ ورنىن تەمامداپ, بٸردەن مەكتەپكە جۇمىسقا ورنالاسىپ, ٷزدٸكسٸز ەڭبەك ەتسە, زەينەتكە شىققان كەزدە, ونىڭ وقۋ ورنىندا وقىعان جىلدارى جالپى ەڭبەك ٶتٸلٸنە قوسىلادى", - دەدٸ شەمشيدينوۆا.
بۇعان دەيٸن ۆيتسە-مينيستر ەلميرا سۋحانبەرديەۆا, وتىز جىل ەڭبەك ٶتٸلٸ بار ۇستازداردىڭ زەينەتكە ەرتە شىعۋ مٷمكٸندٸگٸ تۋرالى ايتىپ ەدٸ.
ياعني جوعارى وقۋ ورىندارىندا وقىعان جىلدار (4-5 جىل) ەڭبەك ٶتٸلٸ بولىپ سانالاتىندىقتان, مۇعالٸمدەر بۇل ەلەۋمەتتٸك كەپٸلدٸككە يە بولۋ ٷشٸن 26 جىل ٷزدٸكسٸز مۇعالٸم بولىپ جۇمىس ٸستەسە جەتكٸلٸكتٸ. مۇنى قازاقستاندىق سالالىق بٸلٸم جەنە عىلىم قىزمەتكەرلەرٸ كەسٸپوداعى ۇسىنعان.
مەسەلەن, 17 جاسىندا جوعارى وقۋ ورنىنا تٷسسەڭٸز, 21 جاسىندا ۋنيۆەرسيتەتتٸ تەمامدايسىز. وسىدان كەيٸن 26 جىل ٷزدٸكسٸز مۇعالٸم بولىپ جۇمىس ٸستەسەڭٸز, 48 جاسىندا زەينەتكە شىعۋعا قۇقىڭىز بار.
ايتا كەتسەك, "پەداگوگ مەرتەبەسٸ" تۋرالى زاڭ جوباسى قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ تاپسىرماسىمەن ەزٸرلەنگەن بولاتىن.
وسى جىلدىڭ باسىندا استانادا ٶتكەن قوعامدىق تىڭداۋ بارىسىندا مينيسترلٸك زاڭ جوباسى اقپان ايىندا دەپۋتاتتار قاراۋىنا ەنگٸزٸلٸپ, ماۋسىمدا پرەزيدەنت قول قويادى دەپ جوسپارلانىپ وتىرعانىن حابارلاعان ەدٸ.
