بٸلٸم بەرۋ ۇيىمدارىن جىلى دەرەتحانالارمەن قامتۋدى ۇساق مەسەلە دەپ قاراۋعا بولمايدى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«جالپى اۋقىمدى جۇمىس جٷرگٸزٸلدٸ. بٸزگە «بۇل مينيسترلٸك دەڭگەيٸندە قارايتىن مەسەلە ەمەس» دەگەن پٸكٸرلەر جەتٸپ جاتىر. بٸراق, بالالاردىڭ قاۋٸپسٸزدٸگٸنە, دەنساۋلىعىنا بايلانىستى مەسەلە بولعاننان كەيٸن مۇنى ۇساق جايت دەپ قاراۋعا بولمايدى. ٶتە ماڭىزدى مەسەلە. الدىڭعى جىلى تاراز قالاسىندا ورىن العان وقيعا ەلٸ دە ەستەرٸڭٸزدە بولۋى كەرەك. سوندىقتان بٸزگە بۇل مەسەلەنٸ شەشۋ بويىنشا 10 اي بۇرىن مەملەكەت باسشىسىنىڭ تاپسىرماسى بولعان. قازٸر ٶزدەرٸڭٸز كٶرٸپ وتىرسىزدار, بۇعان دەيٸن 2 700 مەكتەپتٸڭ سانيتارلىق-گيگيەنالىق قاجەتتٸلٸكتەرٸ بولماسا, بٷگٸندە 2 456 مەكتەپتە جىلى دەرەتحانالار سالىنىپ, پايدالانۋعا بەرٸلٸپ وتىر. قالعانى - 245. ونىڭ 195-ٸ قازٸر سالىنۋدا, قالعان 50-ٸ بويىنشا دا جۇمىس باستالىپتى», - دەدٸ اسحات ايماعامبەتوۆ مينيسترلٸكتٸڭ اپپارات كەڭەسٸ بارىسىندا.
سونىمەن قاتار مينيستر جىلى دەرەتحانالاردىڭ جۇمىس ٸستەپ تۇرۋى, ودان كەيٸن بٶلەك كابينالاردىڭ بولۋى, سۋمەن قامتاماسىز ەتٸلۋٸ, باسقا دا مەسەلەلەر شەشٸلۋٸ كەرەكتٸگٸن باسا ايتتى.
«دەرەتاحانانى سالعانىمەن, ونى جاۋىپ قويىپ, دالاداعى دەرەتحاناعا بارىپ جٷرەتٸندەي جاعدايعا جول بەرمەۋٸمٸز كەرەك. ونداي جايتتار دا كەزدەسٸپ تۇرادى, جاسىراتىنى جوق. ونى الدىڭعى جىلى كٶردٸك. سوندىقتان ٷلكەن جۇمىس جٷرگٸزٸلدٸ دەۋگە بولادى. دەگەنمەن ٶڭٸرلەر بويىنشا جىلدىڭ سوڭىنا دەيٸن جٷرگٸزٸلەتٸن جۇمىس كٶرسەتٸلدٸ. بٸلٸم باسقارمالارىنىڭ باسشىلارى وسىنى باستى باقىلاۋعا الۋى كەرەك. جەلتوقساندا بۇل مەسەلەنٸ قايتا قارايمىز», - دەدٸ ول.
ايتا كەتەرلٸگٸ, اپپارات كەڭەسٸ بارىسىندا قر بٸلٸم جەنە عىلىم مينيسترلٸگٸ بٸلٸم جەنە عىلىم سالاسىنداعى باقىلاۋ كوميتەتٸنٸڭ باسشىسى گٷلزات كٶبەنوۆا اتىراۋ, الماتى, شىعىس قازاقستان, جامبىل, باتىس قازاقستان, قاراعاندى, تٷركٸستان وبلىستارىندا جەنە شىمكەنت قالاسىندا مەكتەپتەرگە جىلى دەرەتحانا سالۋ مەسەلەسٸ تەجەلٸپ وتىرعانىن ايتقان ەدٸ.
