© Photo: دەنساۋلىق ساقتاۋ مينيسترلٸگٸ
دەنساۋلىق ساقتاۋ مينيسترٸ اجار عينييات قىزىلشا اۋرۋىنا قارسى ەكپە ەگٸلگەن نەمەرەسٸنٸڭ جاعدايى تۋرالى ايتتى, - دەپ حابارلايدى Sputnik قازاقستان.
ونىڭ ايتۋىنشا, 5 جاسار نەمەرەسٸنە قىزىلشاعا قارسى ەكپە ەگٸلگەن.
"تٶرتٸنشٸ كٷنٸ ونىڭ دەنە قىزۋى كٶتەرٸلدٸ, قۇستى. دەرٸگەرلەر مۇنىڭ ەكپەگە رەاكتسييا ەكەنٸن ايتتى. بٸر كٷننەن كەيٸن بۇل بەلگٸلەر باسىلدى. مەن قازٸر سٸزدەرگە قالاي بولدى, سولاي ايتىپ وتىرمىن. ەكپەدەن كەيٸن وسىنداي بەلگٸلەر بايقالۋى مٷمكٸن", - دەدٸ عينييات ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
مينيستر جالپى حالىقتا ۆاكتسينالارعا سەنٸم بار ەكەنٸن اتاپ ٶتتٸ.
"ون اي ٸشٸندە جوسپارلى ۆاكتسينالاۋعا كەلمەگەندەردٸڭ ٷلەسٸ از بولدى. ولار شىنىمەن كەيبٸر انتيۆاكسەرلەردٸ تىڭدايتىن ادامدار. دٸني سەنٸم تۇرعىسىنان ەكپەدەن باس تارتاتىن ادامدار دا بارشىلىق. كٷمەندانىپ, ارتىنان تٷسٸندٸرۋ جۇمىستارىنان كەيٸن ۆاكتسينا سالعىزعاندار دا بار. سول سەبەپتٸ بٸز اۋرۋ سالدارىنان نەگٸزٸنەن كٸشكەنتاي بالالار زارداپ شەگەتٸنٸن ەسكەرٸپ, اۋقىمدى اقپاراتتىق جۇمىس جٷرگٸزٸپ جاتىرمىز. ونى مەن ٶزٸم باستادىم. ۆاكتسينانىڭ قاۋٸپسٸز, تيٸمدٸ ەكەنٸن, سەنۋگە بولاتىنىن دەلەلدەۋ ٷشٸن بەس جاسار نەمەرەمدٸ ەمحاناعا اپارىپ, ەكپە سالدىرتتىم", - دەدٸ عينييات.
مينيستردٸڭ ايتۋىنشا, قوسىمشا جاپپاي ۆاكتسينالاۋ جٷرگٸزۋ ٷشٸن قىزىلشاعا قارسى 1,5 ملن دوزا ۆاكتسينا ساتىپ الىندى, ونىڭ 500 مىڭ دوزاسى جەتكٸزٸلدٸ. جەلتوقسان ايىندا 1 ملن دوزا كەلەدٸ دەپ كٷتٸلٸپ وتىر.
