ٸشكٸ ٸستەر مينيسترٸ مارات احمەتجانوۆ قاڭتار وقيعاسى قايتالانۋى مٷمكٸن بە دەگەن سۇراققا جاۋاپ بەردٸ, دەپ حابارلايدى Sputnik قازاقستان.
بۇعان دەيٸن ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ قاڭتار وقيعاسى كەزٸندە ۇرلانعان قارۋدىڭ اۋقىمدى ارسەنالى ەلٸ دە قىلمىسكەرلەردٸڭ قولىندا ەكەنٸن مەلٸمدەگەن ەدٸ. وسىعان بايلانىستى جۋرناليستەر ٸشكٸ ٸستەر مينيسترٸنەن قاڭتار وقيعاسى قايتالانۋى مٷمكٸن بە دەپ سۇرادى.
"ەرينە, قاۋٸپ ەرقاشان بار. ۇرلانعان قارۋ-جاراقتىڭ بٸر بٶلٸگٸ ەلٸ قىلمىسكەرلەردٸڭ قولىندا. بٷگٸنگە دەيٸن, قاتەلەسپەسەم, بٸر جارىم مىڭ قارۋ تەركٸلەندٸ. كٷنٸ كەشە الماتى قالاسى مەن الماتى وبلىسىندا قارۋ-جاراق قويماسى تابىلدى. جەدەل جۇمىس جٷرگٸزٸلٸپ جاتىر. ازاماتتاردان قارۋ ساتىپ الۋ شاراسى جٷرگٸزٸلدٸ. حالىقتان مىڭ شاقتى قارۋ ساتىپ الدىق", - دەدٸ احمەتجانوۆ مەجٸلٸس كۋلۋارىندا.
ايتۋىنشا, ۇرلانعان قارۋ, نەگٸزٸنەن, وڭتٷستٸك ٶڭٸرلەردە, الماتى قالاسىندا شوعىرلانعان. بٸراق, مينيستر بۇل قارۋ-جاراق باسقا ٶڭٸرلەرگە دە تاسىمالدانۋى مٷمكٸن ەكەنٸن جوققا شىعارمادى.
"سول سەبەپتٸ ەل ٸشٸندە دە, ەلدەن تىس اۋماقتا دا جەدەل تەرگەۋ شارالارى جٷرگٸزٸلٸپ جاتىر. سٸزدەر قاڭتار وقيعاسى تۋرالى ايتىپ وتىرسىزدار... ەگەر قولدا قارۋ بولسا, ودان كەز كەلگەن ۋاقىتتا وق اتىلۋى مٷمكٸن. سول سەبەپتٸ بارلىق شارانى قولعا الامىز. ەڭ سوڭعى قارۋ تابىلعانعا دەيٸن جۇمىس ٸستەيمٸز", - دەدٸ احمەتجانوۆ.
1 ماۋسىمدا ٸٸم جاپپاي تەرتٸپسٸزدٸكتەر كەزٸندە قارۋ-جاراق دٷكەندەرٸ مەن قۇقىق قورعاۋ ورگاندارىنىڭ ەكٸمشٸلٸك عيماراتىنان 2 900-دەن استام قارۋ, سونداي-اق 63 180 وق-دەرٸ ۇرلانعانىن حابارلادى.
ۇرلانعان قارۋ اراسىندا 35 گراناتومەت, 8 پۋلەمەت, 268 اۆتومات, 17 ۆينتوۆكا, 594 تاپانشا, 98 ارنايى مىلتىق جەنە 239 تراۆماتيكالىق تاپانشا بار. بٷگٸندە 1 554 قارۋ مەن 39 مىڭنان استام وق-دەرٸ تەركٸلەنگەن. ولاردىڭ اراسىندا 10 گراناتومەت, 6 پۋلەمەت, 158 اۆتومات, 348 تاپانشا, 113 ارنايى مىلتىق, 216 تراۆماتيكالىق تاپانشا جەنە باسقالارى بار.
