قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ قۇرىلىس نارىعىنداعى سۇرانىس پەن ۇسىنىستىڭ تەڭگەرٸمٸن قالاي رەتتەيتٸنٸن تٷسٸندٸردٸ, دەپ حابارلايدى قازاقپارات.
«ٶكٸنٸشكە قاراي, قولدانىستاعى مەملەكەتتٸك ساتىپ الۋ جٷيەسٸ بويىنشا بٸز كەز كەلگەن قاتىسۋشىنى قانداي دا بٸر كونكۋرسقا قاتىسۋعا جٸبەرۋدەن باس تارتا المايمىز. مىسالى ٸرٸ كومپانييا اقتاۋداعى جول قۇرىلىسىنىڭ كونكۋرسىن جەڭٸپ الادى. بٸراق ولاردىڭ سول جاققا كٷش جۇمىلدىرىپ جاتقانىن كٶرە بەرمەيمٸز. ياعني, وسى جاقتان بٷكٸل تەحنيكاسىن اپارىپ ەۋرە بولمايدى. سول جەردەگٸ تەحنيكانى, ادامداردى جالداي باستايدى. سوندىقتان جەرگٸلٸكتٸ قۇرىسشىلارعا ەلدەقايدا تەڭ مٷمكٸندٸك بەرۋ ٷشٸن «ەگەر ٸرٸ نىساننىڭ تەندەرٸنە قاتىسساڭ, سول جەردە ٶز تەحنيكاڭ مەن ادامدارىڭ بولسىن» دەگەن تالاپ قويماقشىمىز. بٸز وسىنداي جولمەن جٷرەمٸز. ياعني, بٸرەۋدٸ سٶزبەن كٶندٸرەيٸك دەپ وتىرعان جوقپىز. مونوپوليزاتسيياعا جول بەرمەۋ ٷشٸن جەنە بٸرەۋلەردٸڭ نارىقتا ٷستەمدٸك ەتۋٸن بولدىرماۋ ٷشٸن جٷيەلٸ شارالار قابىلدايمىز», - دەدٸ قايىربەك ٶسكەنباەۆ.
سونداي-اق, ول بيىل باسپانا نارىعىنا بىلتىرعىداي ينۆەستيتسييا بولماۋى مٷمكٸن ەكەنٸن ايتتى.
«بىلتىر زەينەتاقى جيناعىنداعى شەكتٸ مٶلشەردەن ارتىلعان سومانى باسپانا مەسەلەسٸنە جۇمساۋعا رۇقسات بەرٸلگەن كەزدە بٸر مەزەتتە نارىققا اقشا قۇيىلدى. بيىل ونداي بولمايدى. بٸز جىل سايىن شامامەن 2 ملن شارشى مەتر باسپانا ٶسٸمٸن قامتاماسىز ەتٸپ كەلەمٸز. بٸراق قۇرىلىس يندۋستريياسى بۇل قارقىنعا ٸلەسە الماي جاتىر. ينجەنەرلٸك كوممۋنيكاتسييا دا ٷلگەرمەي جاتىر. ٶيتكەنٸ جىلۋ, ەنەرگييا جەلٸلەرٸن كەڭەيتۋ ٷشٸن قوسىمشا ۋاقىت كەرەك. ولار بٸر جىلدىڭ ٸشٸندە قۋاتتى 20-30 پايىز كٶتەرە المايدى. سوندىقتان مەملەكەت باسشىسى قۇرىلىس يندۋستريياسى مەن ينفراقۇرىلىمنىڭ قولىنداعى قۋاتتى قازٸرگٸ كٶلەممەن تەڭەستٸرٸپ الۋ تۋرالى مٸندەت قويدى. قازٸر تالداۋ جٷرگٸزٸپ جاتىرمىز. قۇرىلىس نارىعىن سەل-پەل ساباسىنا تٷسٸرەتٸن شىعارمىز», - دەدٸ مينيستر.
