تۇرعىن ٷي باعاسىنا كەلەتٸن بولساق, "نۇرلى جەر" باعدارلاماسى بويىنشا مەملەكەت تاراپىنان شارشى مەتر قۇنى بەكٸتٸلگەن, دەپ ەسكە سالدى مينيستر.
"ەر قالا, ەر وبلىسقا ول انىقتالعان, ونى ٶزگەرتپەيمٸز. قۇرىلىس سالاسى وسى باعدارلاماعا قاتىسامىن دەگەندەرگە باعانى كٶتەرگەنٸمٸزدٸ قالايدى. مەملەكەت باعانى كٶتەرەدٸ, بٸراق بۇل باسپانانى بٸرەۋ ساتىپ الۋى كەرەك. ال ونى بٸزدٸڭ حالىق ساتىپ الادى, بٸراق قىمباتىراق. سوندىقتان بۇل جەردە مٷددەلەر تەپە-تەڭدٸگٸن ساقتاۋ قاجەت", - دەپ تٷسٸندٸردٸ ول.
قايىربەك ٶسكەنباەۆ قۇرىلىس سالاسىنىڭ ماڭىزدىلىعىن, تۇرعىنداردىڭ مٷددەسٸن ەسكەرۋ قاجەتتٸگٸن ايتتى.
"قۇرىلىس سالاسى شىعاراتىن ٶنٸم حالىققا قولجەتٸمدٸ بولۋى كەرەك. وسى تەڭگەرٸمدٸ ساقتاۋىمىز كەرەك. قۇرىلىس قۇنىنىڭ قىمباتتاۋىنا كەلەتٸن بولساق, بۇل تەتٸك زاڭنامادا ناقتى كٶرسەتٸلگەن. ەگەر ٸسكە اسىرىلىپ جاتقان جوبا قۇنىنىڭ ٶسۋٸ 10 پايىزدان اسسا, وندا ەزٸرلەۋشٸ ەكٸمشٸگە حابارلاسۋعا قۇقىلى. ەكٸمشٸ نە تٷزەتۋلەر ەنگٸزٸپ, قۇنىن ارتتىرادى, نە كەلٸسپەيدٸ. بۇل رەتتە ورىندالعان جۇمىس كٶلەمٸنە ەسەپتەلٸپ, بۇرىنعى باعا بويىنشا كونكۋرس جارييالانادى", - دەپ تٷسٸندٸردٸ ۆەدومستۆو باسشىسى.
ول بىلتىر باعانىڭ ٶسۋٸنە 220-عا جۋىق جوبا ساراپتاماعا بارعانىن ەسكە سالدى. مينيستردٸڭ ايتۋىنشا, ولار ساراپتامادان ٶتٸپ, باعانىڭ كٶتەرٸلگەنٸن راستاپ, جەرگٸلٸكتٸ اتقارۋشى ورگاندار ولارمەن كەلٸسٸمگە قول قويعان.
ەسكە سالايىق, ۇلتتىق ستاتيستيكا بيۋروسىنىڭ مەلٸمەتٸ بويىنشا, بٸر جىل ٸشٸندە - 2021 جىلدىڭ ناۋرىزىنان 2022 جىلدىڭ ناۋرىزىنا دەيٸن - قايتالاما نارىقتاعى پەتەرلەر باعاسى - 27,7 پايىزعا, جاڭا تۇرعىن ٷي باعاسى - 20,3 پايىزعا, جالعا الۋ 22,5 پايىزعا ٶسكەن.
فوتو: elements.envato.com
