قۇرعاقشىلىققا بايلانىستى دەندٸ داقىلدار ەگٸستەرٸنٸڭ جاي-كٷيٸ ايتارلىقتاي ناشارلادى. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆ مەلٸم ەتتٸ, دەپ حابارلايدى قازاقپارات.
«اعىمداعى جىلى اۋىل شارۋاشىلىعى داقىلدارىنىڭ جالپى ەگٸس الاڭى 23 ملن گەكتاردى قۇرادى (بۇل 2020 جىلمەن سالىستىرعاندا 322 مىڭ گەكتارعا كٶپ). دەندٸ جەنە دەندٸ-بۇرشاقتى داقىلدار 15,9 ملن گا (ونىڭ ٸشٸندە بيداي – 12,9 ملن. گا), مايلى داقىلدار - 3,1 ملن گا, كٶكٶنٸستەر مەن باقشا داقىلدارى جەنە كارتوپ - 473,8 مىڭ گا, ماقتا - 109,7 مىڭ گا, قانت قىزىلشاسى - 21,7 مىڭ گا, مال ازىعى داقىلدارى 3,2 ملن گا الاڭدا ورنالاسقان», - دەدٸ قاراشٶكەەۆ.
ونىڭ ايتۋىنشا, ەگٸس ناۋقانى ساپالى تۇقىمداردى قولدانا وتىرىپ, وڭتايلى مەرزٸمدە جٷرگٸزٸلگەن. فەرمەرلەر تىڭايتقىشتاردى ۋاقىتىندا قولداندى, ەگٸستٸكتەردە ارامشٶپتەر مەن اۋرۋلارعا قارسى حيمييالىق ٶڭدەۋدٸ دەر كەزٸندە جٷرگٸزدٸ.
«سونىمەن قاتار, بيىلعى جىلى توپىراقتاعى جەنە اتموسفەراداعى قالىپتان تىس قۇرعاقشىلىققا بايلانىستى دەندٸ داقىلدار ەگٸستەرٸنٸڭ جاي-كٷيٸ ايتارلىقتاي ناشارلادى جەنە بۇل قازاقستاندا عانا بولىپ جاتقان جاعداي ەمەس. ەگٸستٸكتەردٸڭ كٷيٸنٸڭ ناشارلاۋ تەندەنتسيياسى بٷكٸل ەلەمنٸڭ استىق ەگەتٸن كٶپتەگەن ەلدەرٸنە ەسەر ەتتٸ. مىسالى, امەريكا قۇراما شتاتتارى اۋىل شارۋاشىلىعى مينيسترلٸگٸنٸڭ جەنە حالىقارالىق استىق كەڭەسٸنٸڭ مەلٸمەتٸ بويىنشا كانادادا بيدايدىڭ جالپى تٷسٸمٸ ٶتكەن جىلمەن سالىستىرعاندا 31,6%-عا, اقش-تا 4,4%-عا, كٶرشٸلەس رەسەيدە 15%-عا تٶمەندەۋٸ مٷمكٸن», - دەدٸ مينيستردٸڭ مٸندەتٸن اتقارۋشى.
وبلىستار ەكٸمدٸكتەرٸنٸڭ دەرەكتەرٸ بويىنشا بٷگٸنگٸ تاڭدا دەندٸ داقىلدار ەگٸستٸكتەرٸنٸڭ جاي-كٷيٸ بىلاي باعالانۋدا:
- 13,2 ملن گەكتاردا نەمەسە دەندٸ داقىلداردىڭ جالپى ەگٸس كٶلەمٸنٸڭ 85,2%-ىندا جاقسى جەنە قاناعاتتانارلىق كٷيدە;
- 2,1 ملن گەكتاردا نەمەسە 13,7%-ىندا ناشار كٷيدە;
- 178,3 مىڭ گەكتاردا نەمەسە 1,1%-ىندا ەگٸستەر جويىلعان.
