بٷگٸن سەناتتا ٶنەركەسٸپتٸك قاۋٸپسٸزدٸكتٸ قامتاماسىز ەتۋ تاقىرىبىنداعى ٷكٸمەت ساعاتىندا قر تٶتەنشە جاعدايلار مينيسترٸ يۋريي يلين ٶندٸرٸستەردە جيٸ كەزدەسەتٸن كەمشٸلٸكتەردٸ ايتتى, دەپ حابارلايدى قازاقپارات.
«بۇعان دەيٸن «ارسەلورميتتال تەمٸرتاۋ» اق نىساندارىنداعى ٶنەركەسٸپتٸك قاۋٸپسٸزدٸكتٸڭ قاناعاتتانارلىق ەمەس جاعدايىن بٸرنەشە مەرتە ايتقان بولاتىنبىز. ينسپەكتورلار تاۋ-كەن جۇمىستارىن جٷرگٸزۋگە, كٶمٸر قاباتتارىن الدىن الا گازدان تازارتۋعا بايلانىستى قاۋٸپسٸزدٸك تالاپتارىنىڭ جٷيەلٸ تٷردە بۇزىلاتىنىن ٷنەمٸ انىقتاپ جٷردٸ. تەكسەرۋلەر نەتيجەسٸندە سوت ورگاندارىنا كٶمٸر شاحتالارىنىڭ قاۋٸپتٸ ۋچاسكەلەرٸندە تاۋ-كەن جۇمىستارىن جٷرگٸزۋدٸ ۋاقىتشا توقتاتۋعا تالاپ-ارىزدار جولداندى», - دەدٸ يلين
ونىڭ ايتۋىنشا, تەجٸريبە جٷزٸندە تالاپ-ارىزداردى قاراۋ قورىتىندىسى بويىنشا سوتتا قاۋٸپتٸ ۋچاسكەلەردە جۇمىستى توقتاتۋ تۋرالى شەشٸم قولداۋ تاپپاعان. بۇل رەتتە تەك ەكٸمشٸلٸك ايىپپۇلدار سالىنعان.
«سانكتسييالار مەن سالىناتىن ەكٸمشٸلٸك ايىپپۇلدار تەكسەرٸلەتٸن سۋبەكتٸلەرگە قاتىستى ەلەۋلٸ اۋىرتپالىق بولمايدى. ٸس جٷزٸندە كەمشٸلٸكتەردٸ جويۋعا قارجى سالعانشا, ەكٸمشٸلٸك ايىپپۇل تٶلەي سالۋ تيٸمدٸرەك دەگەن ٷردٸس قالىپتاستى», - دەدٸ ۆەدومستۆو باسشىسى.
ونىڭ پايىمىنشا, جاۋاپكەرشٸلٸكتٸڭ تيٸستٸ دەڭگەيدە بولماۋى قاداعالاۋ سالاسىنداعى ٸس-شارالارعا تەرٸس ىقپال ەتٸپ وتىر.
