Búgin Senatta ónerkásiptik qaýipsizdikti qamtamasyz etý taqyrybyndaǵy Úkimet saǵatynda QR Tótenshe jaǵdailar ministri Iýrii Ilin óndiristerde jii kezdesetin kemshilikterdi aitty, dep habarlaidy QazAqparat.
«Buǵan deiin «ArselorMittal Temirtaý» AQ nysandaryndaǵy ónerkásiptik qaýipsizdiktiń qanaǵattanarlyq emes jaǵdaiyn birneshe márte aitqan bolatynbyz. Inspektorlar taý-ken jumystaryn júrgizýge, kómir qabattaryn aldyn ala gazdan tazartýǵa bailanysty qaýipsizdik talaptarynyń júieli túrde buzylatynyn únemi anyqtap júrdi. Tekserýler nátijesinde sot organdaryna kómir shahtalarynyń qaýipti ýchaskelerinde taý-ken jumystaryn júrgizýdi ýaqytsha toqtatýǵa talap-aryzdar joldandy», - dedi Ilin
Onyń aitýynsha, tájiribe júzinde talap-aryzdardy qaraý qorytyndysy boiynsha sotta qaýipti ýchaskelerde jumysty toqtatý týraly sheshim qoldaý tappaǵan. Bul rette tek ákimshilik aiyppuldar salynǵan.
«Sanktsiialar men salynatyn ákimshilik aiyppuldar tekseriletin sýbektilerge qatysty eleýli aýyrtpalyq bolmaidy. Is júzinde kemshilikterdi joiýǵa qarjy salǵansha, ákimshilik aiyppul tólei salý tiimdirek degen úrdis qalyptasty», - dedi vedomstvo basshysy.
Onyń paiymynsha, jaýapkershiliktiń tiisti deńgeide bolmaýy qadaǵalaý salasyndaǵy is-sharalarǵa teris yqpal etip otyr.
