قارجى مينيسترٸ ەرۇلان جاماۋباەۆ قارجى پيراميدالارىنىڭ ٷش ەرەكشەلٸگٸن اتاپ, حالىقتى ساق بولۋعا شاقىردى, دەپ حابارلايدى قازاقپارات.
«كەيبٸر پيعىلدى ادامدار باسقا ازاماتتاردىڭ ٶمٸرلٸك قيىن كەزەڭٸن, حالىقتىڭ قارجىلىق ساۋاتسىزدىعىن پايدالانىپ, قارجى پيراميدالارىن قۇرادى. ولاردىڭ ماقساتى – حالىقتىڭ قاراجاتىن قالتاعا باسۋ. مۇنداي زاڭسىز ۇيىمداردىڭ جولىن كەسۋ جۇمىستارىن ەكونوميكالىق تەرگەۋ قىزمەتٸ مەن ٸٸم جٷرگٸزەدٸ. بيىلدىڭ ٶزٸندە ەكونوميكالىق تەرگەۋ قىزمەتٸ بۇل باعىتتا 21 قىلمىستىق ٸس قوزعاعان. سونىمەن بٸرگە پسەۆدولوتورەيا مەسەلەسٸ دە بار. مۇنداي ٸسپەن اينالىسقان ادامدار الماتىدا انىقتالعان بولاتىن. اۆتوكٶلٸك ويناتىپ, ارتىنشا سەنٸپ قالعان ازاماتتاردىڭ قاراجاتىن جىمقىرعان», - دەدٸ ەرۇلان جاماۋباەۆ حالىق ونلاين ەسەپ بەرۋدەن كەيٸن وكق-دا ۇيىمداستىرىلعان باسپاسٶز مەسليحاتىندا.
مينيستردٸڭ ايتۋىنشا, قارجى پيراميداسىنا قاتىستى الماتىداعى ٸس بويىنشا 200 ملن تەڭگە شىعىن كەلتٸرٸلگەن. ارىزدانۋشىلاردىڭ سانى 2 مىڭنان اسىپ كەتكەن. قازٸر ول ٸس بويىنشا ەكٸ ادام قىلمىستىق ٸسكە تارتىلۋدا.
«مۇنداي قىلمىستاردىڭ الدىن الۋ ٷشٸن قانداي جۇمىستاردى قولعا الىپ جاتىرمىز? ەڭ بٸرٸنشٸ كەزەكتە, باق ارقىلى تٷسٸندٸرۋ جۇمىستارىن جٷرگٸزەمٸز. ازاماتتاردى ساق بولۋعا شاقىرامىز. ەلەۋمەتتٸك جەلٸلەرگە مونيتورينگ جاسايمىز. سونىمەن بٸرگە بٸزدٸڭ قارجىلىق بارلاۋ قىزمەتٸ ەكٸنشٸ دەڭگەيلٸ بانكتەرگە قارجى پيراميدالارىنىڭ تيپولوگيياسىن جولدايدى», - دەدٸ ول.
ەرۇلان جاماۋباەۆ قارجى پيراميدالاردىڭ بٸرٸنشٸ قاتىسۋشىلارى كٸرٸسكە كەنەلگەنٸمەن, ودان كەيٸنگٸ تارتىلعاندارى وپىق جەيتٸنٸن جەتكٸزدٸ.
«قارجى پيراميدالارىنىڭ بٸر بەلگٸسٸ – ۇيىمداستىرۋشىلار بانك دەپوزيتتەرٸنەن كٶپ تابىسقا كەنەلەتٸڭٸزگە ۋەدە بەرەدٸ. ەكٸنشٸدەن, كٸرٸسكە قانداي جاعدايدا بولماسىن كەنەلەتٸنٸڭٸزگە سەندٸرەدٸ. ٷشٸنشٸدەن, مۇنداي ۇيىمدار قارجىلىق جاعىنان اشىق بولمايدى. سونىمەن قاتار ولار جارناما ٷشٸن ەلەۋمەتتٸك جەلٸنٸ ەرەكشە پايدالانادى. مۇنداي بەلگٸلەردٸ سەزٸپ, كٶرٸپ قالساڭىز, ساق بولعانىڭىز جٶن», - دەدٸ ول.
