قر اقپارات جەنە قوعامدىق دامۋ مينيسترٸ دەۋرەن اباەۆ «Nur Otan» پارتيياسىندا قوعامدىق قابىلداۋ ٶتكٸزدٸ. قابىلداۋ كەزٸندە «كەل, كەلٸنٸم», «قالاۋلىم» جەنە «ٶز ويىم» باعدارلامالاردىڭ مەسەلەسٸ كٶتەرٸلدٸ, دەپ حابارلايدى قازاقپارات تٸلشٸسٸ.
الماتىدان بەينەبايلانىسقا شىققان جۋرناليست بيبٸگٷل ىسقاقوۆا اتالعان جوبالاردىڭ جاستار تەربيەسٸنە كەرٸ ەسەر ەتٸپ جاتقانىن جەتكٸزدٸ.
«بٷگٸندە تەلەارنالار رەيتينگتٸڭ قۇلى بولىپ كەتتٸ. سونىڭ بٸرٸ - 7-شٸ ارناداعى «ٶز ويىم» باعدارلاماسى. ونى تٷسكٸ ساعات 15:00-دە كٶرسەتەدٸ. ول كەزدە ٷيدە وتىرعان ەيەلدەر مەن اپالار كٶرەدٸ. بالالار دا كٶرەدٸ. ٶزٸم كٶرٸپ ەدٸم, سۇمدىق باعدارلاما ەكەن. شەتەلدە تالاي رەت بولدىم, تٷسكٸ ۋاقىتتا ونداي ماسقارانى كٶرگەن ەمەسپٸن. مەسەلەن, رەسەيدەگٸ «دوم-2»-نىڭ ٶزٸن تٷندە كٶرسەتەدٸ. ال بٸزدەگٸ «ٶز ويىم»-دى تٷستە كٶرسەتٸپ, جىنىستىق قاتىناس تۋرالى اشىق ايتادى», - دەدٸ ب.ىسقاقوۆا.
وسى ورايدا جۋرناليست ناقتى مىسالداردى دا كەلتٸرٸپ, ونداي باعدارلامالاردىڭ جاستار تەربيەسٸنە قانشالىقتى كەرٸ ەسەر ەتەتٸنٸن جەتكٸزدٸ. بٷگٸندە كٶرەرمەندەر دە جيٸ ارىزدانادى, ونداي جوبالاردىڭ مازمۇنىنا باسا نازار اۋدارۋدى سۇرايدى.
قر اقپارات جەنە قوعامدىق دامۋ مينيسترٸ دەۋرەن اباەۆ ٶز كەزەگٸندە جۋرناليستٸڭ ازاماتتىق ۇستانىمىن قۇپتاپ, ونداي سىن-ەسكەرتۋلەردٸ جيٸ ايتۋ كەرەكتٸگٸن جەتكٸزدٸ.
«بٸرٸنشٸدەن, بۇل جەكەمەنشٸك ارنا. مەن مينيستر رەتٸندە تەك تەرروريزم نەمەسە بالالارعا قارسى بٸر تەرٸس كونتەنت بولسا عانا ارالاسىپ, ونداي ٷگٸت-ناسيxاتقا ەسەر ەتە الامىز. ەيتپەسە, تسەنزۋرا بولىپ كەتەدٸ. مەسەلەن, قازٸر سٸزدەر ماعان «ٶز ويىم», «قالاۋلىم» سيياقتى باعدارلامالاردى نەگە جاپپايسىز دەپ ۇرساسىز دا, ال وسى جەردەن شىققاننان كەيٸن مەنٸ سٶز بوستاندىعىنا شەكتەۋ قويدى دەپ سىنايدى. سول سەبەپتٸ بۇل جەردەگٸ باستى مەسەلە - كٶرەرمەننٸڭ قالاۋى. سەبەبٸ ەربٸر اتا-انانىڭ قولىندا, بالانىڭ قولىندا تەلەديداردىڭ پۋلتٸ بار. قانداي باعدارلاما كٶرەتٸنٸمٸزدٸ ٶزٸمٸز تاڭداۋىمىز قاجەت. ەكٸنشٸدەن, اتا-انالاردىڭ جاۋاپكەرشٸلٸگٸ دە بار. بالالار قانداي ارنانى كٶرٸپ وتىر? قانداي ەلەۋمەتتٸك جەلٸلەردە وتىرادى? وسىنى اتا-انالار باقىلاپ وتىرۋى قاجەت», - دەدٸ د.اباەۆ.
مينيستردٸڭ سٶزٸنە قاراعاندا, بۇعان دەيٸن 7 ارنانىڭ باسشىلىعى مەن باعدارلاما اۆتورلارىمەن كەلٸسسٶزدەر بولدى. وعان سەيكەس, باعدارلامالاردىڭ مازمۇنى دۇرىس بولۋى كەرەك.
«مەسەلەن, «قالاۋلىمدى» الايىق, ەندٸ, مەن ٶزٸم كٶرمەيمٸن, بٸراق ماعان ايتتى, قازٸرگٸ باعدارلامالارى كٷرت ٶزگەرتٸپ جاتىر. وسى «قالاۋلىم» باسىندا شىققاندا قانداي بولدى, قازٸرگٸ تاقىرىپتارى باسقاشا. سول سيياقتى «ٶز ويىم» دا بٸرتە-بٸرتە قالىپقا كەلەدٸ دەپ ويلايمىن», - دەپ اتاپ كٶرسەتتٸ د.اباەۆ.
