عىلىمي اتەيزم ادامدى دٸننەن اجىراتۋ ارقىلى ونى كيەلٸ تاريحتان, ٶتكەنٸنەن, بار قۇندىلىعىنان اجىراتتى. كەڭەستٸك جٷيە كەزٸندە تاريح عىلىمى قازاق تاريحىنا تەك قانا ماركستٸك تاريحي ديالەكتيكالىق مەتودپەن قاراۋمەن شەكتەلدٸ. سەبەبٸ تاريح عىلىمى دا سول يدەولوگيياعا قىزمەت ەتتٸ. عىلىمي اتەيزم ۋاقىتتىڭ ٷش شاعىن سوسىن ەسحاتولوگييالىق ۋاقىتتى دا جوققا شىعاردى. سالدارى قازاق تاريحىنان, مەدەنيەتٸنەن, تٸلٸ مەن دٸنٸنەن, دٸلٸ مەن دەستٷرٸنەن, جالپى ۇلتتىق قۇندىلىعىنان اجىراپ قالا جازدادى.
بٷگٸنگٸ قوعامداعى ۇلتتىق ساناداعى بۋىرقانعان پٸكٸرتالاستار سول كەشەگٸ كەڭەسٸك يدەولوگييانىڭ زاردابى مەن ينەرتسيياسىنىڭ جەمٸسٸ. ەندٸ ٶلدٸك دەگەندە تەۋەلسٸز ەل بولىپ, ٶز الدىنا ەگەمەن ەل بولدىق. اتا زاڭىمىزعا دەموكراتييالىق, ەلەۋمەتتٸك, زايىرلى, قۇقىقتىق ۇستانىمدى باسشىلىققا الاتىن ەلمٸز دەپ جارييالادىق. كەشەگٸ «جابىق قوعامنان» اشىق قوعامعا ٶتتٸك دەپ سەندٸك. سودان بولار يدەولوگييا اتاۋلىدان شوشىنا قارادىق. كەشەگٸ كەڭەستٸك يدەولوگييادان زەرەزاپ بولعان سۇرقىمىزبەن "يدەولوگييا" دەگەن سٶزدٸ ايتۋعا قورقىپ, «ۇلتتىق يدەيا», «مەڭگٸلٸك ەل» تٸركەسٸن قولدانا باستادىق. سىرتتان دٸن ٷيرەتەمٸن دەپ كەلگەن كەز كەلگەن ميسسيونەرگە قۇشاعىمىزدى اشتىق. ارتىنان قۇشاعىمىز سالافيلٸك, ۋاحابيستٸك تٸكەندەرگە تولىپ, ەل بٸرلٸگٸنە سىنا قاعىلا باستاعاندا ەسٸمٸزدٸ جيناي باستادىق. سول سالافيلٸك تەندەنتسييا دا قازاقتىڭ ٶتكەن تاريحىن, دٸني تەجٸريبەسٸن, بولمىسىن, جالپى ۇلتتىق قۇندىلىعىن جوققا شىعارا باستادى.
كەشەگٸ كەڭەستٸك عىلىمي اتەيزم ارقىلى مانسۇقتالعان بولمىسىمىز ەندٸ دٸني سيپاتتا ونتولوگييالىق پسيحولوگييالىق تۇرعىدان مانسۇقتالۋىن جالعاستىردى. سوندىقتان كەشەگٸ «عىلىمي اتەيزم» مەن «بٷگٸنگٸ سالافيزم» يدەولوگييالىق جاعىنان بٸر قازاندا قايناعان ۇلتتىق بولمىستى مانسۇقتاۋشى پلاتفورما ەكەندٸگٸ مەلٸم بولدى. ەندٸ مينيستر ەرمەكباۆتىڭ كونتسەپتسيياسى نەگٸزٸنەن بۇل جاعىنان العاندا قوعامدا بەلسەندٸلٸگٸن نەگٸزدەپ العان «سالافيلەر» ٷشٸن قۋانا قارسى الاتىن تۇجىرىم. بۇدان شىعاتىن قورىتىندى بۇل كونتسەپتسييا قازاق بولمىسىنا قارسى جاسالعان, سالافيلٸك تەندەنتسييا نەگٸزٸندە قورىتىلعان قييانات.
قازاققا, قازاق مۇسىلماندىعىنا, قازاق ۇلتىنا جاسالعان قاستاندىق. وسىنى كٶرٸپ بٸلٸپ وتىرعان قمدب قوعامدىق مەكەمە رەتٸندە, قازاق مۇسىلماندىعىنىڭ, جالپى قازاقستان مۇسىلماندارى مٷددەسٸن قورعاي المايتىن, دٸن مەن دەستٷر بٸر دەپ ٶتٸرٸك ساياسات جٷرگٸزٸپ وتىرعان, "زايىرلى قوعام" مەن ""زايىرلى مەملەكەت" اراسىن اجىراتا المايتىن, ورتا عاسىرلىق ەپيتەميولوگييادان اسا المايتىن, زامان تالابىنا جاۋاپ بەرە المايتىن مەكەمە دەپ ەسەپتەيمٸن.
جالعاسى بار...
دوساي كەنجەتاي,
.jpg)