ۇلتتىق ەكونوميكا مينيسترٸ رۋسلان دەلەنوۆ قول استىنداعى قىزمەتكەرٸ اسلانبەك جاقىپوۆقا قاتىستى سوت ٷكٸمٸ كٷشٸنە ەنگەننەن كەيٸن وتستاۆكاعا كەتۋگە دايىن ەكەنٸن ايتتى, دەپ حابارلايدى Sputnik قازاقستان تٸلشٸسٸ.
"سوت ٷكٸمٸ كٷشٸنە ەنگەندە, وتستاۆكاعا كەتۋگە ٶتٸنٸش بەرەمٸن. بۇل دۇرىس پراكتيكا. بۇل بٸرٸنشٸ باسشىنىڭ مورالدىق جاۋاپكەرشٸلٸگٸ. ونىڭ كٸنەسٸ قانشالىقتى ەكەنٸن جوعارى تۇرعان باسشىلىق انىقتايدى", - دەدٸ دەلەنوۆ سەنات كۋلۋارىندا.
بۇعان دەيٸن قازاقستان پرەزيدەنتٸ قاسىم-جومارت توقاەۆ قاراماعىنداعى قىزمەتكەرلەرٸ جەمقورلىق جاساسا, باسشىلار وتستاۆكاعا كەتۋٸ كەرەك ەكەنٸن مەلٸمدەگەن ەدٸ.
ايتا كەتسەك, ۇلتتىق ەكونوميكا مينيسترلٸگٸ كەسٸپكەرلٸكتٸ دامىتۋ دەپارتامەنتٸنٸڭ ديرەكتورى اسلانبەك جاقىپوۆقا بيىل سەۋٸر ايىندا 500 مىڭ تەڭگە پارا الدى دەگەن ايىپ تاعىلدى.
كەيٸنٸرەك سىبايلاس جەمقورلىققا قارسى ٸس-قيمىل ۇلتتىق بيۋروسى حابارلاعانداي, ۇلتتىق ەكونوميكا مينيسترلٸگٸنٸڭ بٸرقاتار لاۋازىمدى تۇلعاسىنا قاتىستى سوتقا دەيٸنگٸ تەرگەۋ باستالعان. جاقىپوۆتىڭ ٸسٸ الاياقتىق بابىمەن الماستىرىلدى. 29 مامىر كٷنٸ ەسٸل اۋداندىق سوتى شەنەۋنٸكتٸ كٸنەلٸ دەپ تانىپ, ٷش جىلعا باس بوستاندىعىنان ايىرعان بولاتىن.
