جول قۇرىلىسى مەن جٶندەۋ جۇمىستارىنىڭ قۇنىنا ەسەر ەتەتٸن بيتۋم ٶندٸرۋ جوسپارى 96 پايىز عانا ورىندالعان. ەنەرگەتيكا مينيسترٸ ماعزۇم مىرزاعاليەۆ ٷكٸمەت وتىرىسىندا وسىنىڭ سەبەبٸن تٷسٸندٸردٸ, دەپ حابارلايدى قازاقپارات.
«ەۋە وتىنى بويىنشا كٶرسەتكٸش 100 پايىز ورىندالدى. مازۋت ٶندٸرٸسٸ جوسپاردان 13 پايىز ارتىق. سونىمەن قاتار, ەسەپتٸ كەزەڭدە 682 مىڭ توننا بيتۋم ٶندٸرٸلدٸ. بۇل - 8 ايعا جوسپارلانعان كٶرسەتكٸشتٸڭ 96 پايىزىنا تەڭ. بيتۋم كٶلەمٸنٸڭ تٶمەندەۋٸنٸڭ بٸردەن-بٸر سەبەبٸ – بيىل قىستا حالىق تاراپىنان گاز تۇتىنۋدىڭ ۇلعايۋى. وسىعان بايلانىستى «گازپرومنەفت – بيتۋم» كومپانيياسىنا گاز بەرۋ شەكتەلگەن بولاتىن», - دەدٸ ماعزۇم مىرزاعاليەۆ.
مينيستردٸڭ سٶزٸنە سەنسەك, مۇناي-گاز-حيمييا ٶنٸمدەرٸنٸڭ كٶلەمٸ 96 مىڭ توننا بولىپ, جوسپار 100 پايىز ورىندالعان.
سونداي-اق, ەلەكتر ەنەرگيياسىن ٶندٸرۋ جوسپارى دا تولىق ٸسكە اسىپ, 75,1 ملرد كۆت/ساعاتقا جەتكەن.
ماعزۇم مىرزاعاليەۆ ٷكٸمەت وتىرىسىندا ەل اۋماعىنان اۆتوموبيلمەن بەنزين ەكەتۋگە سالىنعان تىيىم تاعى 6 ايعا ۇزارتىلۋى مٷمكٸن ەكەنٸن ايتتى.
«ٸشكٸ نارىقتى ديزەل وتىنىمەن تۇراقتى قامتاماسىز ەتۋ ٷشٸن پاۆلودار مۇناي-حيمييا زاۋىتىنداعى جٶندەۋ جۇمىستارىنىڭ مەرزٸمٸن اۋىستىرۋ نەمەسە قىسقارتۋ مەسەلەسٸ قازٸر پىسىقتالۋدا. بۇعان قوسا بەنزيندٸ, ديزەل وتىنى مەن مۇناي ٶنٸمدەرٸنٸڭ جەكەلەگەن تٷرلەرٸن قازاقستان اۋماعىنان اۆتوموبيلمەن ەكەتۋگە 6 اي مەرزٸمگە تىيىم سالۋدى كٶزدەيتٸن بۇيرىقتى تاعى جارتى جىلعا سوزۋ مەسەلەسٸ پىسىقتالىپ جاتىر», - دەدٸ مينيستر.
