قوعامدىق دامۋ مينيسترٸ دارحان كەلەتاەۆ قازاقستاننىڭ ازاماتتىق اليانسىنىڭ مەرتەبەسٸن كٶتەرۋ تۋرالى ايتتى, دەپ حابارلايدى قازاقپارات تٸلشٸسٸ.
«بٸزدە «اتامەكەن» ۇكپ-عا ۇقساس جولمەن قازاقستاننىڭ ازاماتتىق اليانسىنىڭ مەرتەبەسٸن كٶتەرۋ مٸندەتٸ تۇر. سوندا ول ۇيىم جۇمىس ٸستەپ تۇرعان ٷكٸمەتتٸك ەمەس ۇيىمداردىڭ بٸرشاما بٶلٸگٸن ٶزٸنە قاراتا الار ەدٸ. ازاماتتىق اليانستىڭ ٶزٸندٸك گرانتتىق باعدارلاماسى بولۋى تيٸس. سونىمەن بٸرگە, ٷەۇ اكادەميياسىن قۇرۋ كٶزدەلٸپ وتىر. تەك جوعارىدا اتالعان يدەيالاردى تەجٸريبەگە ەنگٸزگەن جاعدايدا عانا ٷكٸمەتتٸك ەمەس ۇيىمدارعا مەملەكەتتٸك قىزمەتتەردٸڭ بٸر بٶلٸگٸن تابىستاۋ مٷمكٸندٸگٸ تۋادى», - دەدٸ دارحان كەلەتاەۆ ەلباسى نۇرسۇلتان نازارباەۆتىڭ قاتىسۋىمەن ٶتٸپ جاتقان VIII ازاماتتىق فورۋمدا.
سونىمەن قاتار, قوعامدىق دامۋ مينيسترٸ مەملەكەت باسشىسىنىڭ كٷنٸ كەشە جارييالانعان «ۇلى دالانىڭ جەتٸ قىرى» ماقالاسىندا كٶتەرٸلگەن مەسەلەلەر حالىقتىڭ, سونىڭ ٸشٸندە ازاماتتىق قوعام ٶكٸلدەرٸنٸڭ تاراپىنان زور قولداۋ تاۋىپ وتىرعانىن اتاپ ٶتتٸ.
«ۇلى دالانىڭ جەتٸ قىرى» - حالقىمىزدىڭ رۋحىن كٶتەرٸپ, ۇلتتىق سانا-سەزٸمٸن جاڭعىرتۋدىڭ ۇلى باستاماسى بولىپ وتىر. ەلباسى ايتقانداي, «ٶتكەندٸ ماقتان تۇتىپ, بٷگٸندٸ باعالاۋ, جارقىن بولاشاققا ۇمتىلۋ - ەلٸمٸزدٸڭ تابىستى بولۋىنىڭ كەپٸلٸ». وسى ماڭىزدى ٸس-شارالاردىڭ باسىندا بەلسەندٸ قوعام ٶكٸلدەرٸ تۇرۋى قاجەت دەپ سانايمىن. بٷگٸنگٸ فورۋمنىڭ نەگٸزگٸ ماقساتى وسى», - دەدٸ دارحان كەلەتاەۆ.
ايتا كەتسەك, ەلورداداعى تەۋەلسٸزدٸك سارايىندا ەلباسى نۇرسۇلتان نازارباەۆتىڭ قاتىسۋىمەن VIII ازاماتتىق فورۋم ٶتٸپ جاتىر.
