مٸندەتتٸ ۆاكتسيناتسييا - كونستيتۋتسييا تالاپتارىنا قايشى ەمەس. بۇل تۋرالى قر ەدٸلەت مينيسترلٸگٸنٸڭ رەسمي سايتىنان مەلٸم بولدى, دەپ حابارلايدى "ۇلت اقپارات".
سايتتا جارييالانعان مەلٸمەتتەرگە قاراعاندا, ينفەكتسييالىق جەنە پارازيتتٸك اۋرۋلاردىڭ پايدا بولۋى مەن تارالۋىنىڭ الدىن الۋ ماقساتىندا دەنساۋلىق تۋرالى كودەكستە كٶزدەلگەن سانيتارييالىق-ەپيدەميياعا قارسى ٸس-شارالاردىڭ بٸرٸ – پروفيلاكتيكالىق ەكپەلەر.
مەديتسينالىق قارسى كٶرسەتٸلٸمدەرٸ جوق, قر اۋماعىندا تۇراقتى تۇراتىن جەكە تۇلعالار ينفەكتسييالىق جەنە پارازيتتٸك اۋرۋلارعا قارسى ەكپەلەردٸ الۋعا مٸندەتتٸ (كودەكستٸڭ 85-بابىنىڭ 4 جەنە 8-تارماقتارى), ولاردىڭ قاتارىنا كۆي-عا قارسى پروفيلاكتيكالىق ەكپە دە جاتادى (قازاقستان رەسپۋبليكاسى ٷكٸمەتٸنٸڭ 2020 جىلعى 24 قىركٷيەكتەگٸ № 612 قاۋلىسىنا سەيكەس).
وسىلايشا, مەديتسينالىق قارسى كٶرسەتٸلٸمدەرٸ جوق ادامدار ٷشٸن كۆي-عا قارسى مٸندەتتٸ ۆاكتسيناتسييالاۋدىڭ قۇقىقتىق نەگٸزدەرٸ بار جەنە بۇل «مەملەكەت ادامنىڭ ٶمٸر سٷرۋٸ مەن دەنساۋلىعىنا قولايلى اينالاداعى ورتانى قورعاۋدى ماقسات ەتٸپ قويادى» دەگەن كونستيتۋتسييالىق نورماعا سەيكەس كەلەدٸ (كونستيتۋتسييانىڭ 31-بابى).
«ادامنىڭ جەنە ازاماتتىڭ قۇقىقتارى مەن بوستاندىقتارىنا كەپٸلدٸك بەرە وتىرىپ, قر كونستيتۋتسيياسى مۇنداي شەكتەۋدٸڭ جول بەرٸلەتٸن شەكتەرٸن بەلگٸلەي وتىرىپ, ولاردى شەكتەۋ مٷمكٸندٸگٸن جوققا شىعارمايدى. ادامنىڭ قۇقىقتارى مەن بوستاندىقتارىن جەنە حالىقتىڭ دەنساۋلىعىن قورعاۋ ماقساتىندا عانا قۇقىقتار مەن بوستاندىقتار شەكتەلۋٸ مٷمكٸن (كونستيتۋتسييانىڭ 39-بابىنىڭ 1-تارماعى)», - دەلٸنگەن مينيسترلٸك حابارلاماسىندا.
