27 ناۋرىز كٷنٸ قىزىلوردا وبلىسىندا اپاتقا ۇشىراعان مي-8 تٸكۇشاعىنداعى بەس ەسكەري - تالدىقورعان قالاسىنىڭ تۋمالارى. ولار بيىل قاڭتار ايىندا عانا اقتاۋ قالاسىنا اۋىسىپتى. اعا سەرجانت مۇرات شاريپوۆ 40 جاستا, كٸشٸ سەرجانت اسحات ابدۋلمانات 37 جاستا, ەفرەيتورلار ميراس جۇماتاەۆ 28 جاستا, قۋانىش سارقىتباەۆ 33-تە, ايدىن ەبدٸلدانوۆ 41-دە ەكەن. سونداي-اق, 25 جاستاعى لەيتەنانت اسلان ايتباەۆ الماتى وبلىسىنداعى سارىٶزەك اۋىلىنىڭ تۋماسى, دەپ جازادى "جاس الاش" گازەتٸ.
اپاتقا ۇشىراعان تٸكۇشاقتا بولعانداردىڭ بٸرٸ — 37 جاستاعى تالدىقورعاندىق كٸشٸ سەرجانت اسحات ابدۋلمانات. 15 جىل وتاسقان جۇبايى ەلۆيرا ابدۋلمانات پەن تۋعاندارى قازٸر قايعىدان قان جۇتىپ, ەلٸ دە ەس جييا الماي وتىر. مارقۇمنىڭ ارتىندا 4 بالاسى قالدى. ٷلكەنٸ 8-سىنىپتا وقىسا, كەنجەسٸ ەندٸ عانا 4-كە تولعان. اسحات ابدۋلمانات بٸراز جىل بويى تالدىقورعان قالاسىنداعى ەۋە بازاسىندا كەلٸسٸم-شارت نەگٸزٸندە جۇمىس ٸستەگەن ەكەن.
«مٸنە ۇشىپ كەلە جاتىرمىز دەپ ۆيدەوسىن جٸبەرگەن. سودان كەيٸن حابارلاسپاي قويدى, زۆونداساق المايدى. كەشكٸ ساعات 11-دە كەلٸپ حابارلاپ كەتتٸ ەسكەري ادامدار. سەنبەيمٸن ەلٸ, سەنبەيمٸن بالامنىڭ ٶلٸپ قالعانىنا. اقتاۋعا اۋىستىردى دەپ قاڭتاردىڭ 1-ٸنەن باستاپ كەتكەن. سودان, مٸنە, ار جاعى ەكٸ-اق ايدىڭ ٸشٸندە ارمانى مەن ماقساتىنا جەتە الماي كەتتٸ عوي, قۇلىنىم. قايتەم ەندٸ?!», — دەيدٸ قان جۇتقان انا ساقىش بايمۋرزينا (مارقۇم اسحات ابدۋلماناتتىڭ اناسى).
ال, 28 جاستاعى ەفرەيتور ميراس جۇماتاەۆتىڭ تۋعاندارى ونىڭ ٶمٸردە جوقتىعىنا ەلٸ سەنە الماي, ٶڭ مەن تٷستٸڭ اراسىندا وتىرعاندارىن ايتادى. عالامتوردا العاش تاراعان مارقۇمدار تٸزٸمٸندە ونىڭ فاميليياسى جۇماتاەۆ ەمەس, جۇماتوۆ دەپ جازىلعانىن كٶرٸپتٸ. سٶيتٸپ, مٷمكٸن تٸرٸ شىعار دەگەن ٷمٸت قىلاڭ بەردٸ دەيدٸ.
«سامولەتتەردٸ جاساپ, قاراپ جٷرەتٸن. جۇمىسى سول. كاراۋلعا بارادى. جاڭاعى ينتەرنەتتەن وقىعاندا كومانديرلەردٸڭ اتى, جانىنداعى بالالاردىڭ اتى بار. بٸراق ونىڭ ينيتسيالى كەپ تۇر, ال فاميلييا دۇرىس جازىلماپتى. سول كەزدە ميراس امان شىعار دەگەن ٷمٸت بولدى», — دەيدٸ مارقۇم ميراس جۇماتاەۆتىڭ باۋىرى ايدىن جىلقايداروۆ.
مارقۇممەن تۋعاندارى اپاتقا ۇشىراعان كٷنٸ كەشكٸ 5-تەر شاماسىندا سوڭعى رەت بايلانىسقا شىققان ەكەن. «امان-ەسەن اقتاۋدان ۇشىپ شىقتىق» دەگەن ۇلىنان ودان كەيٸن ەش حابار الا الماعان. اناسى جۇمىس اۋىستىرار سەتتە ۇلىنىڭ اقتاۋعا بارعىسى كەلمەگەنٸن ايتادى.
سايلاۋ سىدىقوۆا, مارقۇم ميراس جۇماتاەۆتىڭ اناسى: «بار سەنٸمٸمٸز بالالار امان شىعار دەپ ويلادىق. بالام اقتاۋعا ٶز ەركٸنەن تىس كەتٸپ ەدٸ. بارعىسى كەلگەن جوق اقتاۋعا. مەنٸڭ دە جٸبەرگٸم كەلگەن جوق».
تٸكۇشاق اپاتىنان قازا تاپقانداردىڭ بٸرٸ — 40 جاستاعى اعا سەرجانت مۇرات شاريپوۆ. تٸلشٸلەرگە سۇقبات بەرۋدەن باس تارتقان مارقۇمنىڭ تۋعاندارى ونىڭ سوڭعى رەت تالدىقورعانعا 22 ناۋرىزدا كەلگەنٸن ايتادى. ارتىندا جەسٸرٸ مەن 4 بالاسى قالدى. مارقۇمداردىڭ تۋعاندارى ارۋلاپ اقتىق ساپارعا شىعارىپ سالۋ ٷشٸن ۇلدارىنىڭ سٷيەگٸن كٷتٸپ وتىر.
ايتا كەتەيٸك, قورعانىس مينيسترٸ نۇرلان ەرمەكباەۆ اپاتتىڭ سالدارى انىقتالاتىنىن, تەرگەۋ جۇمىستارىنىڭ جٷرگٸزٸلەتٸنٸن مەلٸمدەگەن ەدٸ جەنە مارقۇمداردىڭ وتباسىنا قارجىلاي كٶمەك تە بەرٸلەتٸنٸن جەتكٸزگەن.
پرەزيدەنت قاسىم-جومارت توقاەۆ تا قارا جامىلعان ەسكەريلەردٸڭ وتباسىنا كٶڭٸل ايتتى.
