تج رەجيمٸنە بايلانىستى شىعىنعا ۇشىراعان مەيرامحانا بيزنەسٸنە مەملەكەتتەن نەسيە بٶلٸنٸپ, قولداۋ كٶرسەتٸلە مە? بۇل سۇراققا «اتامەكەن» ۇكپ باسقارما تٶراعاسى ابىلاي مىرزاحمەتوۆ جاۋاپ بەردٸ, دەپ حابارلايدى قازاقپارات
«ەلبەتتە, ەلدە تٶتەنشە جاعدايدىڭ ەنگٸزٸلۋٸنە بايلانىستى شىعىنعا ۇشىراعان سالالاردىڭ العاشقى لەگٸندە مەيرامحانالار بيزنەسٸ دە تۇر. ولار ٷشٸن ٶز جۇمىسىن قايتا قالپىنا كەلتٸرۋ دە قيىندىق تۋعىزارى سٶزسٸز. سەبەبٸ ول – ادامدار جينالاتىن ورىن. ال قازٸر بەرٸ دە سانيتارلىق تالاپتاردى ساقتاۋعا مٸندەتتٸ. ياعني مەيرامحاناعا بارىپ وتىرۋدىڭ ٶزٸنەن ادامداردا پسيحولوگييالىق ٷرەي قالىپتاسىپ قالدى. سول سەبەپتٸ مەنٸڭ ويىمشا ادامدار بۇرىنعىشا مەيرامحاناعا جاپپاي جينالمايتىن سەكٸلدٸ. بەرٸنە دايىن بولۋ كەرەك. دەل وسى كەزدە ونلاين امال-ەدٸستەردٸ مەڭگەرگەن دۇرىس», - دەدٸ ابىلاي مىرزاحمەتوۆ ۇلتتىق كەسٸپكەرلەر پالاتاسىنىڭ Facebook پاراقشاسىندا ونلاين رەجيمدە سٶيلەگەن سٶزٸندە.
پالاتا باسشىسى سونىمەن قاتار بيزنەستٸڭ وسى سالاسىنداعى ٶكٸلدەرٸنە ارنايى نەسيە بەرۋ تۋرالى ۇسىنىسقا قاتىستى ويىن بٸلدٸردٸ.
«مەيرامحانالار ٷشٸن ارنايى نەسيە جەلٸسٸ جوق. الايدا «بيزنەستٸڭ جول كارتاسى» باعدارلاماسىمەن شەكتەۋلەردٸڭ بەرٸنٸڭ الىنىپ تاستالعانىن ەسكەرۋ كەرەك. ياعني ول جەردەن 6 پايىزبەن نەسيە الا الاسىز. مەيرامحانالارعا دا مەملەكەتتٸڭ دەل وسى قولداۋىن الۋعا مٷمكٸندٸك بار. بٸراق ولار «قاراپايىم زاتتار ەكونوميكاسى» باعدارلاماسىنا قاتىسا المايدى. ول باسقا سالالاردى كٶزدەيدٸ», - دەدٸ ول.
ەسكە سالا كەتسەك, قر پرەزيدەنتٸ قاسىم-جومارت توقاەۆ تٶتەنشە جاعداي رەجيمٸن بيىلعى 11 مامىرعا دەيٸن ۇزارتۋ جٶنٸندە شەشٸم قابىلدادى. بۇل تۋرالى مەملەكەت باسشىسى بٷگٸنگٸ مەلٸمدەمەسٸندە ايتقان بولاتىن.
