ەلوردا, الماتى, جامبىل وبلىسىنداعى مەشٸتتٸڭ بارلىعىندا زالالسىزداندىرۋ جۇمىستارى جٷرگٸزٸلٸپ, مەشٸت ٸشٸنە مەديتسينالىق تازارتقىش سۇيىقتىقتار ورناتىلدى. بۇل تۋرالى قازاقستان مۇسىلماندارى دٸني باسقارماسىنىڭ باسپاسٶز قىزمەتٸ حابارلادى.
"الداعى كەزدە جۇمانىڭ ۋاعىزى ۋاقىتشا توقتايدى. ناماز ۋاقىتى كٸرٸسٸمەن, جۇما نامازى وقىلادى. مەشٸتكە باليعات جاسىنا تولماعان بالامەن كەلۋگە تىيىم سالىنادى, سونداي-اق, قارييالارعا, ەيەلدەر مەن ناۋقاس جاندارعا جاماعات نامازىنا قاتىسۋعا بولمايدى", - دەدٸ الماتى ورتالىق مەشٸتٸنٸڭ باسپاسٶز حاتشىسى باۋىرجان مىرزاقۇل.
سونىمەن قاتار مەشٸتكە كٸرۋگە بٸرنەشە ٶزگەرٸس ەنگٸزٸلدٸ. دٸني باسقارما ٶكٸلدەرٸ مەشٸتكە كەلۋشٸلەردٸ مەديتسينالىق بەتپەردە تاعىپ كەلۋگە جەنە نامازدان تىس مەشٸتتە توپتاسىپ تۇرماۋعا شاقىردى. سونداي-اق, مەشٸتكە ٷيدەن دەرەت الىپ كەلۋ كەرەك. الايدا بۇل ٶزگەرٸس مەشٸتتٸڭ جۇمىس ۋاقىتىنا ەسەر ەتپەيدٸ.
"جۇما نامازدىڭ ۋاقىتى قىسقارتىلدى. الايدا "بەس ۋاقىت ناماز وقۋعا كەلمە", "ناماز وقۋعا كەلمە" دەگەن جوق. مەشٸت بۇرىنعىشا جۇمىس ٸستەپ تۇر", - دەدٸ مىرزاقۇل.
كوروناۆيرۋستىڭ كٶپشٸلٸك اراسىندا تارالۋىنىڭ الدىن الۋ ماقساتىندا جۇما نامازىنا بايلانىستى تٶمەندەگٸدەي ٶزگەرٸستەر ەنگٸزٸلدٸ:
-
2020 جىلدىڭ 20 ناۋرىزىنان باستاپ جۇما نامازىنان بۇرىن ايتىلاتىن 30 مينۋتتىق ۋاعىز ۋاقىتشا توقتاتىلادى;
-
ناماز ۋاقىتى كٸرە سالا ازان ايتىلادى, 4 راكاعات سٷننەت ٶتەلٸپ, جۇما نامازىنىڭ 2 راكاعات پارىزى قىسقا سٷرەمەن وقىلادى;
-
جۇما نامازىنىڭ پارىزىنان كەيٸن وقىلاتىن 4 رەكاعات سٷننەت ٷيدە وقىلادى;
-
نامازدان كەيٸن تەسبيح تارتىلمايدى, قۇران وقىلمايدى, يمام قىسقا دۇعا جاسايدى;
-
نامازدان كەيٸن جاماعات قول بەرٸپ "جۇما قابىل بولسىن" دەپ امانداسۋعا بولمايدى;
-
مەشٸتكە مەديتسينالىق بەتپەردە كيٸپ كەلۋ كەرەك;
-
نامازدان كەيٸن كٶپ كٸدٸرمەي مەشٸتتەن شىعۋ قاجەت;
-
جۇما نامازعا باليعاتقا تولماعان بالالاردى الىپ كەلۋگە بولمايدى;
-
جۇما نامازىنا دەنساۋلىعى جارامايتىن قارييالار, ناۋقاستار مەن ەيەلدەردٸڭ قاتىسپاعانى ابزال;
-
اۋا رايى قولايلى ايماقتاردا جۇما نامازىن مەشٸت اۋلاسىندا وقۋعا رۇقسات.
سونىمەن قاتار قازاقستان مۇسىلماندارى دٸني باسقارماسى كوروناۆيرۋستىڭ الدىن الۋ شارالارىنا كٸرٸستٸ. ەلوردا, الماتى, جامبىل وبلىسىنداعى مەشٸتتٸڭ بارلىعىندا زالالسىزداندىرۋ جۇمىستارى جٷرگٸزٸلٸپ, مەشٸت ٸشٸنە مەديتسينالىق تازارتقىش سۇيىقتىقتار ورناتىلدى. سونداي-اق, مەشٸتكە كەلۋشٸلەرگە تازالىق شارالارى تانىستىرلىپ جاتىر.
ايتا كەتەيٸك, قازاقستاندا 16 ناۋرىزدان باستاپ تٶتەنشە جاعداي رەجيمٸ ەنگٸزٸلدٸ. ول 15 سەۋٸرگە دەيٸن سوزىلادى. مەملەكەتتٸك كوميسسييا قۇرىلىپ, پرەمەر-مينيستر اسقار ماميننٸڭ تٶراعالىعىمەن جۇمىس ٸستەيدٸ. پرەزيدەنت تيٸستٸ جارلىققا قول قويدى.
15 ناۋرىزداعى مەلٸمەت بويىنشا قازاقستاندا توعىز ادام كوروناۆيرۋس جۇقتىردى. ەلدە ويىن-ساۋىق, سپورت جەنە باسقا دا بۇقارالىق ٸس-شارالاردى, سونداي-اق, وتباسىلىق, سالت-دەستٷر ٸس-شارالارىن ٶتكٸزۋگە تىيىم سالىندى.
