ەنشٸ, اكتريسا مەرۋەرت تٷسٸپباەۆا ٶزٸنە قوقان-لوققى جاساپ, جەلٸدە تٸلدەپ, ارىن قورلاعانداردى سوتقا بەرمەك, دەپ حابارلايدى "ۇلت اقپارات" sputniknews.kz پورتالىنا سٸلتەمە جاساپ.
"بٸز دەموكراتييالىق قوعامدا تۇرىپ جاتىرمىز. مەن قازاقستاننىڭ ەڭبەك سٸڭٸرگەن قايراتكەرٸ رەتٸندە ميلليوندار قاتارىندا ٶز پٸكٸرٸمدٸ ايتتىم. بۇعان مەنٸڭ قۇقىعىم بار!! وعان جاۋاپ رەتٸندە اپالى-سٸڭلٸلەر ماعان تٸل تيگٸزٸپ, ارىمدى قورلاپ, جالا جاپتى!! كەشەگٸ كٷننەن باستاپ ماعان قوقان-لوققى جاساپ جاتىر. مەن كٶپ ۋاقىت شىدادىم. ەندٸ تيٸستٸ قۇقىق قورعاۋ ورگاندارىنا جٷگٸنۋگە مەجبٷرمٸن. ەسكەرتەمٸن! بارلىق قوڭىراۋلار, كوممەنتارييلەر جازىلادى. سوتتا كەزدەسەمٸز!", — دەپ جازدى تٷسٸپباەۆا ەلەۋمەتتٸك جەلٸدەگٸ پاراقشاسىندا.
ارتىنشا ول پاراقشاسىنا ٶزٸن تٸلدەگەندەردٸڭ جازعانىن سالىپ, تٸپتٸ بٸرەۋٸنەن جاۋاپ الىنىپ جاتقانىن جەتكٸزدٸ.
"بٸزدٸڭ ەلٸمٸزدە تٸپتٸ سەريال تۋرالى پٸكٸر ايتۋ قاۋٸپتٸ", — دەپ جازعان ەنشٸ.
ايتا كەتەيٸك, مەرۋەرت تٷسٸپباەۆا بايان الاگٶزوۆانىڭ داۋلى "قوزى كٶرپەش — بايان سۇلۋ" تەلەحيكاياسىن سىناپ, ونى تٷسٸرۋگە جۇمسالعان مەملەكەت قاراجاتىن قايتارۋدى تالاپ ەتكەن بولاتىن. بۇعان پروديۋسەر "حيت ەندەر ورىنداپ, كەرەمەت رٶلدەردٸ سومداي الماعانىڭ ٷشٸن كەشٸرەرسٸڭ. سول سەبەپتٸ پروديۋسەر رەتٸندە سەنٸڭ كەسٸبي بٸلٸكتٸلٸگٸڭە كٷمەن كەلتٸرەمٸن, وعان تولىقتاي حاقىم بار. ٶكپە-رەنٸشٸڭنٸڭ دە ورنى بار, رٶل بەرسەك, باسقاشا سايرايتىن ەدٸڭ", — دەپ جاۋاپ بەردٸ.
