ەدٸلەت بيساريەۆ «قايرات» فۋتبول كلۋبىندا جٷرگٸزۋشٸ قىزمەتٸنەن بوساتىلۋىن فك باسشىلىعىنىڭ قازاق تٸلٸنە قارسى بولۋىمەن بايلانىستىرادى, دەپ حابارلايدى Ulysmedia.kz.
«مەن 2019 جىلدان باستاپ «قايرات» فۋتبول كلۋبىندا جٷرگٸزۋشٸ قىزمەتٸن اتقاردىم. 24 شٸلدە كٷنٸ باسشىلىق مەنٸ جۇمىستان شىعارىپ جٸبەردٸ. 2019 جىلدان بەرٸ كلۋبتىڭ باسشىلىعىنىڭ جالپى قازاق تٸلٸنە نەمقۇرايلىعى بارىن بايقادىم. بۇل - ٶزٸمنٸڭ ويىم. ورتالىق ستاديوندا قازاق ەندەرٸ قوسىلمايدى. اقساقال جانكٷيەرلەر قازاقشا ەن سۇراعان. ونى مەن باسشىلىققا جەتكٸزگەنمٸن. «قايراتتىڭ» ديدجەيٸ باسشىلىققا سٸلتەگەن. ودان كەيٸن دە بۇل كلۋبتا كٶپتەگەن مەسەلە بولدى», - دەيدٸ ول.
ەدٸلەت بيساريەۆتىڭ ايتۋىنشا, كلۋب باسشىلىعى ونى تٸل مەسەلەسٸنە بايلانىستى ىلعي قىسپاققا العان.
«بۇعان دەيٸن مەنٸ جۇمىستان شىعاراتىنداي سەبەپ تاپپاعان. كەيٸن «قايراتتىڭ» جانكٷيەرلەرٸ مەن جاقسى كٶرٸپ كەتتٸ. جانكٷيەرلەر مەن ٷشٸن ۋايىمداپ جاتقانىنا قۋانىپ جاتىرمىن. دەمەك, مەن ٶز جۇمىسىمدى جاقسى اتقارىپ جٷرمٸن دەگەن ويدامىن. 24 شٸلدەدە قايرات پەن اقسۋدىڭ ويىنىنا بارعانمىن. ماعان ەشكٸم ەسكەرتپەدٸ. ميكروفوندى ۇستايىن دەسەم, سول جەردە تاعى بٸر جٷرگٸزۋشٸ جٷر. ورىس جٸگٸت. ماعان قوڭىراۋ شالىپ, بٷگٸن جٷرگٸزبەيسٸڭ دەدٸ. ماعان ەشتەڭە الدىن الا ايتىلعان جوق. نەگە دەسەم, سەن بۇدان بىلاي بٸزدە جۇمىس ٸستەمەيسٸڭ دەيدٸ. ستاديوننان شىعىپ, باس ديرەكتور اسقارعا بارسام, ول «ودين حبەتتەن» ساعان شاعىم تٷستٸ دەيدٸ. كونكۋرستى دۇرىس جٷرگٸزبەدٸڭ دەگٸسٸ كەلدٸ. ونى مەن سەتتٸ ٶتكٸزگەنمٸن. تاعى قانداي سەبەپ دەسەم ناقتى ايتپايدى», - دەپ اتاپ ٶتەدٸ جۋرناليست.
جۋرناليست «ودين حبەت» ٶكٸلدەرٸنە دە بارعان. الايدا نە ٷشٸن شاعىم تٷسٸرگەنٸن ناقتى تٷسٸنبەگەن.
«ولارمەن سٶيلەسٸپ, مەن مىناداي ويعا كەلدٸم: بۇل مەنٸڭ ٶز ويىم. بۇل كٸسٸلەر قازاق تٸلٸنە قىسپاق كٶرسەتكٸسٸ كەلەدٸ. قازاق تٸلٸنە قارسى ەكەنٸن كٶزٸم جەتتٸ. «تى ۆەدەش نا تويسكوم», «ەپ بەرەكەلدٸ» دەيسٸڭ دەيدٸ. «اديلەت, چتو تاكوە اپ-بارەكەلدي» دەيدٸ. مەنٸ ولار سٶيلەتكٸسٸ كەلمەيدٸ. بۇل مەنٸڭ ٶز ويىم – قازاق تٸلٸنە دەگەن قىسپاق, قارسىلىق بۇل. ەندٸ ويىن ورىسشا ٶتٸپ جاتىر. سوندا ورىسشا تٷسٸنبەيتٸن قازاقتاردىڭ قامىن كٸم ويلايدى? تٸل ٷشٸن جانىم اشىپ تۇر. اللاعا شٷكٸر, تابىسىم مول. ٶزٸم ٶنەر ازاماتىمىن. «قايراتتا» تٸل مەسەلەسٸ اۋىر. «قايرات» كومانداسى ٶزٸن حالىق كومانداسى دەپ تانىستىرعانىمەن, قازاق تٸلٸن مەنسٸنبەيدٸ, بۇل - مەنٸڭ ٶز ويىم», - دەدٸ ول.
ەدٸلەت بيساريەۆ مەدەنيەت جەنە سپورت مينيسترلٸ دەۋرەن اباەۆقا, قۇزىرلى ورگاندارعا ٶتٸنٸشٸن ايتىپ, كٸنەلٸ ادامداردى جازالاۋدى سۇراپ وتىر.
