Ádilet Bisariev «Qairat» fýtbol klýbynda júrgizýshi qyzmetinen bosatylýyn FK basshylyǵynyń qazaq tiline qarsy bolýymen bailanystyrady, dep habarlaidy Ulysmedia.kz.
«Men 2019 jyldan bastap «Qairat» fýtbol klýbynda júrgizýshi qyzmetin atqardym. 24 shilde kúni basshylyq meni jumystan shyǵaryp jiberdi. 2019 jyldan beri klýbtyń basshylyǵynyń jalpy qazaq tiline nemqurailyǵy baryn baiqadym. Bul - ózimniń oiym. Ortalyq stadionda qazaq ánderi qosylmaidy. Aqsaqal jankúierler qazaqsha án suraǵan. Ony men basshylyqqa jetkizgenmin. «Qairattyń» didjeii basshylyqqa siltegen. Odan keiin de bul klýbta kóptegen másele boldy», - deidi ol.
Ádilet Bisarievtyń aitýynsha, klýb basshylyǵy ony til máselesine bailanysty ylǵi qyspaqqa alǵan.
«Buǵan deiin meni jumystan shyǵaratyndai sebep tappaǵan. Keiin «Qairattyń» jankúierleri men jaqsy kórip ketti. Jankúierler men úshin ýaiymdap jatqanyna qýanyp jatyrmyn. Demek, men óz jumysymdy jaqsy atqaryp júrmin degen oidamyn. 24 shildede Qairat pen Aqsýdyń oiynyna barǵanmyn. Maǵan eshkim eskertpedi. Mikrofondy ustaiyn desem, sol jerde taǵy bir júrgizýshi júr. Orys jigit. Maǵan qońyraý shalyp, búgin júrgizbeisiń dedi. Maǵan eshteńe aldyn ala aitylǵan joq. Nege desem, sen budan bylai bizde jumys istemeisiń deidi. Stadionnan shyǵyp, bas direktor Asqarǵa barsam, ol «Odin hbetten» saǵan shaǵym tústi deidi. Konkýrsty durys júrgizbediń degisi keldi. Ony men sátti ótkizgenmin. Taǵy qandai sebep desem naqty aitpaidy», - dep atap ótedi jýrnalist.
Jýrnalist «Odin hbet» ókilderine de barǵan. Alaida ne úshin shaǵym túsirgenin naqty túsinbegen.
«Olarmen sóilesip, men mynadai oiǵa keldim: bul meniń óz oiym. Bul kisiler qazaq tiline qyspaq kórsetkisi keledi. Qazaq tiline qarsy ekenin kózim jetti. «Ty vedesh na toiskom», «Áp bárekeldi» deisiń deidi. «Adilet, chto takoe ap-barekeldi» deidi. Meni olar sóiletkisi kelmeidi. Bul meniń óz oiym – qazaq tiline degen qyspaq, qarsylyq bul. Endi oiyn oryssha ótip jatyr. Sonda oryssha túsinbeitin qazaqtardyń qamyn kim oilaidy? Til úshin janym ashyp tur. Allaǵa shúkir, tabysym mol. Ózim óner azamatymyn. «Qairatta» til máselesi aýyr. «Qairat» komandasy ózin halyq komandasy dep tanystyrǵanymen, qazaq tilin mensinbeidi, Bul - meniń óz oiym», - dedi ol.
Ádilet Bisariev Mádeniet jáne sport ministrli Dáýren Abaevqa, quzyrly organdarǵa ótinishin aityp, kináli adamdardy jazalaýdy surap otyr.
