الماتى ەكٸمٸ ەربولات دوساەۆ ەۋەزوۆ اۋدانىندا ەلەكتر قۋاتىنىڭ جيٸ ٶشەتٸنٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
سۇراق-جاۋاپ بارىسىندا "دوستىق" ىقشاماۋدانىنداعى ٷيلەردٸڭ بٸرٸنٸڭ تۇرعىنى جارىق قايتا-قايتا سٶنەتٸنٸنە شاعىمداندى. ەيەلدٸڭ ايتۋىنشا, كەيٸنگٸ بٸر ايدا كٷن سايىن بٸر ۋاقىتتا ەلەكتر جارىعى ٶشٸپ قالادى. بۇعان جاۋاپ رەتٸندە ەكٸم دوساەۆ ٶزٸ دە وسىنداي مەسەلەگە تاپ بولعانىن اتاپ ٶتتٸ.
"مەندە دە ٶشەدٸ. مەن پەتەردە تۇرامىن, كٷنٸنە بٸرنەشە رەت جارىقتى ٷزٸپ تاستايدى. ايتايىن دەگەنٸم: "الاتاۋ جارىق كومپانيياسى" مەسەلەسٸ - جەلٸلەردٸڭ جاعدايى. مۇنى انىق بٸلەمٸن.
قازٸر اجك ينۆەستيتسييالىق جوسپارلارىن دايىنداپ جاتىر. 2023 جىلعا "دوستىق" شاعىناۋدانىنداعى توزىعى جەتكەن جەلٸلەردٸ اۋىستىرۋعا تىرىسامىز. بارشا قالا تۇرعىندارىنا ٷندەۋ جاساعىم كەلەدٸ. قالامىز بويىنشا ورتا ەسەپپەن جەلٸلەردٸڭ توزۋى - 60 پايىز", - دەدٸ مەگاپوليس باسشىسى.
